އެ ހާދިސާގައި މަރުވި މިއުޒިކް ޕާފޯމަރުންގެ ތެރެއިން އެކަކުގެ މަންމަ ބުނި ގޮތުގައި އަލިފާން ރޯވެފައި ވަނީ އެތަނުގައި ލައިވް މިއުޒިކް ޕާފޯމަންސެއް ކުރިއަށް ދަނިކޮށެވެ. ނަމަވެސް އަލިފާން ރޯވާން ދިމާވި ސީދާ ސަބަބެއް މިހާތަނަށް ދެނެގަނެވިފަ އެއް ނުވެ އެވެ. 

މި ހާދިސާގައި މަރުވި މީހުންގެ ހަށިގަނޑުތައް ގިނައިން ފެނިފައިވަނީ އެތެރެއަށް ވަންނަ ދޮރު ކައިރިންނާއި ފާހާނާތަކުން ނެވެ. އިތުރު ބަޔަކު ފެނިފައިވަނީ ޑީޖޭ ޖަގަހަ ކައިރިން ނެވެ. މިހާތަނަށް މަރުވި އެންމެންނަކީ ތައިލެންޑުގެ ރައްޔިތުން ކަމަށް ބެލެވެ އެވެ. 

ނައިޓުކުލަބުގައި ރޯވި ވަގުތު 

އެ ހާދިސާގައި 14 މީހުން މަރުވެ، 40 ވުރެ ގިނަ މީހުންނަށް އެކިވަރުގެ އަނިޔާތައް ލިބިގެންދަނީ ފަރުވާދެމުން ނެވެ. 

ނައިޓުކުލަބުގައި ރޯވެ މުޅި އެތަން ވަނީ އަދާ އަޅިއަށް ވެފަ

އަލިފާންގަނޑު ކޮންޓްރޯލް ކުރުމަށް ފަޔާ ފައިޓަރުން ދެ ގަޑިއިރަށް ވުރެ ގިނައިރު މަސައްކަތްކުރި ކަމަށް ލޯކަލް މީޑިއާތަކުން ބުނެ އެވެ. 

ވީޑިއޯ ފުޓޭޖުތަކުން ފެންނަ ގޮތުން އަލިފާންގަނޑު ކުޑަ ސިކުންތުކޮޅެއްތެރޭ މުޅި އެ ސަރަހައްދަށް ފެތުރިިގަނެ، އެއްބަޔަކު ހަޅޭލަވަމުން ދުވަމުންދިޔައިރު، އަނެއްބަޔަކުގެ ހެދުންތަކުގައި އަލިފާން ރޯވެގެން ސަލާމަތައް އެދެމުން ދުވަމުން ދިޔަތަންވެސް ފެނެ އެވެ.