8 އޮގަސްޓް 2010
ދައުލަތުގެ ބަންޑާރަ ނާއިބު ހުސްނުއްސުއޫދު އިސްތިއުފާ ދެއްވީ، 8 އޮގަސްޓް 2010 ގައެވެ. މަގާމުން އިސްތިޢުފާ ދެއްވައި، އެމަނިކުފާނު ރައީސުލްޖުމްހޫރިއްޔާގެ އަރިހަށް ފޮނުއްވި ސިޓީފުޅުގައި، މަގާމު އިސްތިޢުފާ ދެއްވީ، ޤާނޫނުއަސާސީގައި ބަޔާންކޮށްފައިވާ ގޮތުގެ މަތިން، ދިވެހި ދައުލަތް މިވަގުތު ހިންގެން އޮތް ކަމަށް އެމަނިކުފާނަށް ފެނިވަޑައިނުގަންނަވާތީއާއި، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 14 ވަނަ ބާބުގައި، އެޤާނޫނުއަސާސީއަށް ވާސިލުވުމަށް ކަނޑައަޅާފައިވާ އިންތިޤާލީ މުއްދަތު ހަމަވިއިރު، އެބާބުގައި ބަޔާންކޮށްފައިވާ ކަންކަން، ދައުލަތުގެ ކަމާބެހޭ ފަރާތްތަކުން ފުރިހަމަކުރުމުގައި އިހްމާލުވެފައިވާ ކަމަށް އެމަނިކުފާނަށް ޤަބޫލުފުޅު ކުރެއްވޭތީ ކަމަށް ވިދާޅުވެފައިވެއެވެ.
8 އޮގަސްޓް 2013
އިންޑިޔާގެ ސޮފްޓްވެއާ އިންޖިނެއަރުންނާ ރިޔާސީ އިންތިހާބާ ގުޅުމެއް ނެތް ކަމަށް އިލެކްޝަންސް ކޮމިޝަނުން ބުނީ 8 އޮގަސްޓް 2013 ގައެވެ.
ބައިނަލް އަގްވާމީ ފަރާތްތަކުން އެދެނީ އެމްޑީޕީއަށް ރިޔާސީ އިންތިހާބު ކާމިޔާބުވާން ކަމަށް އެމްޑީޕީގެ ރިޔާސީ ކެންޑީޑޭޓް މުހައްމަދު ނަޝީދު ވިދާޅުވީވެސް 8 އޮގަސްޓް 2013 ގައެވެ.
8 އޮގަސްޓް 2018
ޖުޑީޝަލް ސަރވިސް ކޮމިޝަނަށް ބޮޑެތި ބަދަލު ތަކެއް ގެންނަވާނެ ކަމަށް އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސާލިހު ވިދާޅުވީ 8 އޮގަސްޓް 2018 ގައެވެ.
ސަރުކާރުން މޮޑޭ ފުށް ގަނޑަކަށް ގާނޫނު އަސާސީ ހަދައިފިކަމަށް ކުރީގެ ބަންޑާރަ ނާއިބު ހުސްނުއްސުއޫދު ވިދާޅުވީ 8 އޮގަސްޓް 2018 ގައެވެ. ސުއޫދު އެހެން ވިދާޅުވީ ގާނޫނު އަސާސީއަށް ދިހަ އަހަރުވުމާ ދިމާކޮށް ކުރެއްވި ޓްވީޓެއްގައި، 8 އޮގަސްޓް 2018 ގައެވެ.
