މީޑިއާ ރިޕޯޓްތައް ބުނާ ގޮތުން އޭނާ ރާއްޖޭން ބޭރަށް ފުރައިގެން ގޮސްފައިވާކަން ކަށަވަރެވެ. އެހެންނަމަވެސް އޭނާ ފިލައިގެން ދިޔައީ ކޮންތާކަށް ކަމެއް އަދި ސީދާ ކޮން އިރަކުކަމެއް ސާފެއް ނުވެއެވެ. އޭނާގެ ވީޑިއޯ އާއްމުވެފައިވަނީ މިއަދުއެވެ.
އެމްޑީޕީގެ ޖަލްސާތަކުގައި އާއްމުކޮށް ގުރުއާން ކިޔަވާ ރާފިއުއަކީ ގުރުއާން މުދައްރިސެއްގެ ގޮތުގައި ވެސް މަސައްކަތްކޮށްފައިވާ މީހެއް ކަމަށް މައުލޫމާތު ލިބިފައިވެއެވެ. އޭނާގެ ވީޑިއޯ އާއްމުވުމާއި އެކު އޭނާ މަގާމުން ވަކިކުރި ޚަބަރު ފެތުރުނެއެވެ.
ރާފިއު ފިލައިގެން ރާއްޖެއަށް ބޭރަށް ދިޔަކަމުގެ މައުލޫމާތު ލިބިފައިވާއިރު، ކުރީގެ ރައީސް ނަޝީދުގެ ކޮއްކޯފުޅު ނާޒިމް ސައްތާރު ފުލުހުން ހައްޔަރުކުރީ ފިލައިގެން ގޮސް ރިސޯޓެއްގައި އުޅެނިކޮށް ކަމަށް މައުލޫމާތު ލިބިފައިވެއެވެ. ނާޒިމް ހައްޔަރު ކުރި މައްސަލައިގައި ރައީސް ނަޝީދުވަނީ ނުރުހުންވެ، ސަރުކާރަށް ފާޑު ވިދާޅުވެފައެވެ.
