މިސްރުގެ ވެރިކަން ކުރާ ރަށް ގާހިރާގައި އޮތް މި ކޮންފަރެންސްގައި ތަގުރީރު ދެއްވަން ހުންނަވަނިކޮށް އަވަހާރާވެެގެން ސަފީރު މުހައްމަދު އަލް ގައްތާނީ ވެއްޓޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި މިހާރު ދަނީ ދައުރުވަމުން ނެވެ.
އެ ވީޑިއޯއިން ފެންނަގޮތުން ތަގުރީރު ދެއްވަން ހުއްޓާ ކުއްލިއަކަށް އަވަހާރާވެގެން ވެއްޓިވަޑައިގަތުމުގެ ކުރިން ފަހުބަހަކަށް ވިދާޅުވެވުނީ، އިޖިޕްޓުގެ ރައީސް އަބްދުލް ފައްތާހުއަށް ވިދާޅުވި ތައުރީފުގެ ޖުމުލައެކެވެ.
މިހާތަނަށް އޭނާ އަވަހާރާން މެދުވެރި ސަބަބެއް އެއްވެސް އިދާރާއަކުން ހާމަކޮށްފަ އެއް ނުވެ އެވެ. ނަމަވެސް ބައެއް މީހުން ބުނާގޮތުން އަވާހާރާވީ ކުއްލިއަކަށް ހާޓު އެޓޭކެއް ޖެހިގެން ކަމަށް ވުން އެކަށީގެންވެ އެވެ.
މުހައްމަދު އަލް ގަހްތާނީ އަކީ ކާކު؟
އޭނާއަކީ އިކޮނޮމިކްސް ޕްރޮފެސަރެކެވެ. އަދި، ސިވިލް އެންޑް ޕޮލިޓިކަލް ރައިޓްސް އެސޯސިއޭޝަން އޮފް ސައުދީ އަރަބިއްޔާ (އޭސީޕީއާރުއޭ) ގެ ނަމުގައި އުފެއްދި ސައުދީ އިންސާނީ ހައްގުތަކާ ބެހޭ ޖަމިއްޔާގެ ބާނީގެ ލަގަބުވެސް އޭނާއަށް ވަނީ ލިބިފަ އެވެ.
މުހައްމަދު އަލް ގަހްތާނީ
ހަމައެފަދައިން އެކްޓިވިސްޓެއްގެ ގޮތުގައި ވެސް އޭނާ ވަނީ ފާހަގަވެފަ އެވެ. އެގޮތުން އަލްގަހުތާނީ އިސްކޮށް ހުންނަވައިގެން 11 އެކްޓިވިސްޓުނާއި، އެކި ޔުނިވާސިޓީތަކުގެ ޕްރޮފެސަރުންގެ މައްޗަށް ޝަރީއަތް ނުކޮށް، ޖަލުގައި ބައިތިއްބުމާ ދެކޮޅަށް ދެ ދުވަހުގެ ބަނޑުހައިހޫނުކަމުގެ ހަޅުތާލެއް ކުރިއަށް ގެންގޮސްފައިވެ އެވެ.
މީގެ އިތުރުން ޓެރަރިސްޓުން ހިމެނޭ ގޮތަށް "ހުރިހާ އެންމެންނަށް ވެސް އިންސާފުވެރި އަދި އާންމު ޝަރީއަތެއް" ދިނުމުގެ ހައްގަށް އޭނާ އަޑުއުފުލާފަވެ އެވެ.
