މި ހާދިސާގެ ރިޕޯޓު އެމްއެންޑީއެފަށް ލިބިފައިވަނީ މިއަދު 15:19 ހާއިރު ކަމަށް އެމްއެންޑީއެފުން ބުންޏެވެ. އިތުރު ތަފްސީލެއް ނުދެ އެވެ.
މިކަމާއި ގުޅިގެން އެމްޕީއެލުން ބުނީ، ކޮންޓެއިނަރެއްގެ ތެރޭގައިހުރި ކްލީނިން އައިޓަމް ތަކެއް ލީކްވެގެން ދުންއަރަމުންދާ ކަމަށާއި، ކެމިކަލް އާއި ގުޅޭ ހާލަތްތަކުގައި އެ ކުންފުނީގައި އަމަލުކުރުމުން އަންނަ އުސޫލަކީ އަބަދުވެސް އެމްއެންޑީއެފަށް އެކަން ރިޕޯޓުކުރުން ކަމަށެވެ.
އަދި މިހާރު އެ ސަރަހައްދުގައި އެމްއެންޑީއެފުން ހަރަކާތްތެރިވަމުންދާއިރު، އެ ހާދިސާގައި އެއްވެސް މުވައްޒަފަކަށް އަނިޔާވެފަ ނުވާކަމަށް ވެސް އެމްޕީއެލުން ބުންޏެވެ.
ކޮންޓެއިނަރުން ކެމިކަލް ލީކުވުމުގެ މިފަހުން ހިނގި މިއީ މިފަދަ ދެވަނަ ހާދިސާ އެވެ. މިދިޔަ ޖުލައި މަހުގެ ތެރޭގައިވެސް އެމްޕީއެލް ސަރަހައްދުގައި ހުރި ކެމިކަލް ކޮންޓޭނަރަކުން ކެމިކަލް ލީކުވަމުންދާތީ އެމްއެންޑީއެފުން ހަރަކާތްތެރިވި އެވެ.
އެފަހަރު ލީކުވީ ކޮންޓެއިނަރެއްތެރޭ ހުރި ހައިޑްރޮޒެން ޕެރޮސައިޑް އަޅާފައިހުރި ކެމިކަލް ހަންތަކަކުން ނެވެ. 48 ފޫޓުގެ އެ ކޮންޓޭނަރުން ކެމިކަލް ލީކުވާކަން އެފަހަރުވެސް ފާހަގަވީ ކޮންޓޭނަރުން ދުން އަރަން ފެށުމުން، އެ ސަރަހައްދު ބެލިބެލުމުން ނެވެ.
