މިނިސްޓަރު މަހުލޫފް މިހެން ވިދާޅުވީ، މ. ދިއްގަރު ކައުންސިލާއި ތ. ގާދިއްފުށީ ކައުންސިލުން ހުސްވި ދެ ގޮނޑީގެ ބައި އިލެކްޝަން އެމްޑީޕީއިން ކާމިޔާބު ކުރުމުން އެކަމާއި ގުޅިގެން މަރުހަބާ ކިޔާ ކުރެއްވި ޓުވީޓެއްގަ އެވެ.
ގާދިއްފުށި ކައުންސިލްގެ ބައި އިލެކްޝަން ކާމިޔާބު ކުރި އެމްޑީޕީގެ ކެންޑިޑޭޓް ޒުލައިހާ އަހުމަދަށް ވަނީ 210 ވޯޓު ލިބިފަ އެވެ. ޕީޕީއެމްގެ ފަރާތުން ވާދަކުރި ހައްވާ އަބްދުލްހާދީ އަށް ލިބިފައިވަނީ 201 ވޯޓެވެ. އަދި އެމްއާރްއެމްގެ ފަރާތުން ވާދަކުރި ފާތިމަތު މަލްދާ އަށް ލިބިފައިވަނީ ހަތަރު ވޯޓެވެ.
ދިއްގަރު ކައުންސިލްގެ ބައި އިލެކްޝަން ކާމިޔާބު ކުރި އެމްޑީޕީގެ ކެންޑިޑޭޓް އަބްދުﷲ އާރިފް އަށް ވަނީ 375 ވޯޓު ލިބިފަ އެވެ. ޕީޕީއެމްގެ ފަރާތުން ވާދަކުރި އަބްދުލްހަންނާނަށް ލިބިފައިވަނީ 325 ވޯޓެވެ.
މިކަމާއި ގުޅިގެން މިނިސްޓަރު މަހުލޫފް ވިދާޅުވީ، ބަޔަކު މީހުން ލާދީނީ އަށް ގޮވާ، ފާހިޝް ކަންކަން ފަތުރާ ބަޔަކަށް އެމްޑީޕީއިން ހެދުމަށް އަޅުވަމުން ދިޔަ ދޮގު އިލްޒާމުތަކާއި އެކުވެސް އެމްޑީޕީއިން މި ކާމިޔާބީ ހޯދުމުގެ ސިއްރަކީ ރައީސް އިބްރާހިމް މުހައްމަދު ސޯލިހުގެ ތަރައްގީ ދިވެހިން ބަލައިގެންފައިވާ ކަމުގެ ހެއްކެއް ކަމަށެވެ.
