ޝީޝާ ތިން ބެއިންގެ އެކައުންޓް އޮޅުވާލައިގެން އަށާރަ މިލިއަން ރުފިޔާ ވަގަށް ނެގި މީހާއަށް އޭނާ އެ ވައްކަން ކުރިއިރު އަމަލު ކުރަމުން ދިޔަ ގާނޫނުލް އުގޫބާތުގެ ދަށުން ހުކުމް ކުރިނަމަ ފަނަރަ ސަތޭކައެއްހާ އަހަރުގެ ހުކުމެއް އައީހެވެ. އެހެންނަމަވެސް މިހާރު އަމަލު ކުރަމުންދާ ގާނޫނުލް އުގޫބާތުގެ ދަށުން ހުކުމް ކުރަން ޖެހޭތީ ފަނޑިޔާރުންނަށް މަޖުބޫރުވީ މިހާރުގެ ގާނޫނުގެ ދަށުން ހުކުމް ކުރާށެވެ. މިހާރުގެ ގާނޫނުގެ ދަށުން، އަށާރަ މިލިއަން ރުފިޔާ ވަގަށް ނެގި ޝާހިދަށް އައީ އެންމެ ފަސް އަހަރުގެ ހުކުމެކެވެ.
ގެ ބާރަވަރަކަށް އަހަރު ކުރިން ހިނގި މި ބޮޑު ވައްކަމުގެ މައްސަލައިގައި ކްރިމިނަލް ކޯޓުން ކުށް ސާބިތު ނުވެ މިނިވަންވެފައި ހުރި ބ. ތުޅާދޫ މާފަރިވާގޭ އިބްރާހިމް ޝާހިދުގެ މައްޗަށް އެ ކުށް ސާބިތުވީ ހައިކޯޓުންނެވެ. ޝާހިދުގެ މައްޗަށް އަދަބު ކަނޑައެޅުމާ ގުޅޭ ގޮތުން ހައިކޯޓުގައި ބޭއްވި އަޑު އެހުމުގައި ޝާހިދުގެ ފަރާތުން ވާހަކަ ދައްކަމުން އޭނާގެ ވަކީލު ވިދާޅުވީ އޭނާއަށް ވީހާވެސް ލުއި އަދަބެއް ދިނުމަށެވެ. އެހެންނަމަވެސް ހަައިކޯޓުގެ ފަނޑިޔާރުން އޭނާއަށް ލުއި އަދަބެއް ދޭކަށް އެއްބަހެއް ނުވިއެވެ.
