ހަބަރު /
ހުޅުމާލޭ ފޭސް ޓޫގައި އިމާރަތް ކުރަމުންދާ ސްކޫލް. މިއީ 21 އޮގަސްޓްގެ ފޮޓޯއެއް
ބުނި ދުވަހަށް ވެސް ޕްރީ ސްކޫލް ނުނިމު
އަހުމަދު ހަސަން
21 އޯގަސްޓް 2022 - 10:24:04
ހުޅުމާލޭގައި ދެވަނަ ފިޔަވަހީގައި އިމާރަތް ކުރަމުންދާ ޕްރީ ސްކޫލުގެ މަސައްކަތް، ނިންމަން ބުނި ދުވަހަށް ނުނިމުނެވެ. ހުޅުމާލޭ ފޭސް ޓޫގައި އަޅާ މި ސްކޫލުގެ މަސައްކަތް ކުރަނީ އެސްޖޭ ކޮންސްޓްރަކްޝަނުންނެވެ.
Advertisement
މި އަހަރުގެ މާރިޗު މަހު މި މަސައްކަތް އެސްޖޭ ކޮންސްޓްރަކްޝަނާ ހަވާލުކޮށްފައިވަނީ 165 ދުވަހުގެ ތެރޭގައި ނިންމަން ކަމަށް އެ ކުންފުނިން ބުނެފައިވެއެވެ. އެހެން ނަމަވެސް އެ މުއްދަތު މިހާރު ފަހަނަ އަޅައި ގޮސްފައިވާއިރު ވެސް އަދި ވެސް ސްކޫލުގެ މަސައްކަތް ނުނިމެއެވެ.
ހުޅުމާލޭ ފޭސް ޓޫގައި އިމާރާތް ކުރަމުންދާ ސްކޫލުގެ މަސައްކަތް ހަވާލުކޮށްފައިވާ އެސްޖޭ ކޮންސްޓްރަކްޝަނަކީ ސަރުކާރުގެ ގިނަ ޕްރޮޖެކްޓްތަކެއް ނަގާ ކުންފުންޏެކެވެ. އެ ކުންފުންޏަކީ ރ. އިންނަމާދޫގައި ނަރުދަމާގެ މަސައްކަތް ކުރާތާ ހަތަރު އަހަރުވީ އިރު ވެސް އެ މަސައްކަތް ނުނިމި ދިގުލާފައިވާތީ ބްލެކް ލިސްޓްކޮށްފާނެ ކަމުގެ އިޝާރާތެއް ޕްލޭނިން މިނިސްޓަރު ދެއްވާފައިވާ ކުންފުންޏެކެވެ.
ދިރާސީ އާ އަހަރުގެ ތިން ވަނަ ހަފްތާގެ ކިޔެވުން މިއަދު ފެށުނު އިރު، ހުޅުމާލޭ ފޭސް ޓޫގައި އިމާރާތް ކުރަން ފަށާފައިވާ މި ސްކޫލުގެ ދަރިވަރުން ދަނީ ހުޅުމާލޭގެ އެހެން ސްކޫލްތަކަށެވެ. ދިރާސީ އަހަރު ފެށުނު އިރު މަސައްކަތް ނިމޭނެ ކަމަށް ބެލެވިފައިވަނީ މި މަހުގެ 15 ވަނަ ދުވަހަށް ކަމަށް ވިޔަސް އެ ފަހުން ހަފްތާއެއްވީއިރުވެސް ސްކޫލުގެ މަސައްކަތް ނުނިމެ އެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
