މާޒިޔާ ކުޅުންތެރިން އެފްއޭކަޕް ޓްރޮފީއާއެކު
ފޯރިއެއް ނެތް އެފްއޭކަޕްގެ ޗެމްޕިއަންކަން މާޒިޔާއަށް
ސްޕޯޓްސް ޓީމް
22 އޯގަސްޓް 2022 - 07:19:20
މާ ބޮޑު ފޯރިއެއްވެސް،ސަޕޯޓަރުންގެ ޝައުގުވެރިކަމެއްވެސް ނެތް އެފްއޭކަޕް ފުޓްބޯޅަ މުބާރާތުގެ ޗެމްޕިއަންކަން މާޒިޔާއިން ހޯދައިފިއެވެ.
Advertisement
މާޒިޔާ ޗެމްޕިއަންކަން ހޯދީ އާދިއްތަ ދުވަހުގެ ރޭ ކުޅުނު ފައިނަލް މެޗުގައި ކްލަބު ވެލެންސިޔާ ބަލިކޮށްގެނެވެ. ވެލެންސިޔާއާ މާޒިޔާ ކުޅުނު ފައިނަލް މެޗުން މާޒިޔާ މޮޅުވީ ދެ ލަނޑު ސުން ލަނޑުންނެވެ. ދެ ލަނޑުވެސް ޖެހީ މެޗުގެ ފުރަތަމަ ހާފުގައެވެ.
މި މުބާރާތުގެ ޗެމްޕިއަންކަމާއެކު މާޒިޔާ މިއަހަރުގެ ސީޒަން ނިންމާލީ ތިން ތަށި ހޯދައިގެންނެވެ. އެއީ ޗެރިޓީ ޝީލްޑާ، ލީގު އަދި އެފްއޭކަޕެވެ. ވެލެންސިޔާއަށްވެސް ސީޒަން ނިމިފައިވާއިރު ވެލެންސިޔާއަށް މި ސީޒަންގައި ލިބުނީ ޕްރެޒިޑެންޓްސް ކަޕެވެ.
މާ ބޮޑު ފޯރިއެއް ނެތް އެފްއޭއެކަޕްގެ ފައިނަލް މެޗު ރޭ ކުޅެވުނު އިރު، އިއްޔެ ހަވީރު ކުޅެން އޮތް ތިންވަނަ ހޮވާމެޗުވަނީ ކެންސަލްކޮށްފައެވެ. ތިންވަނަ ހޮވާ މެޗު ކެންސަލް ކުރީ އެ މެޗުގައި އެއް ކޮޅުން ކުޅެން އޮތް ސުޕަރ ޔުނައިޓެޑު މެޗު ނުކުޅެން ނިންމުމުންނެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
