އެގޮތުން އެ އަތޮޅުގެ ހަތަރު ރަށަކުން ވަގަށް ނަގާފައިވާ ތަކެތި ފުލުހުން ވަނީ ހޯދާފައެވެ.
ގދ. ތިނަދޫ
ތިނަދޫއިން ހުށަހަޅާފައިވާ ވައްކަމުގެ މައްސަލަތަކާ ގުޅިގެން އޮޕަރޭޝަންތަކުގައި، މޯބައިލް ފޯނުތަކަކާއި، ބަދިގޭގައި ހިފައި ގެންގުޅޭ ގިނަ އަދަދެއްގެ ސަމާނާއި، ކަރަންޓު ބުރުމާއަކާއި، ހަ ސެންޓުފުޅިއާއި، ސީލިން ލައިޓަކާ އަދި އެހެނިހެން ތަކެތި ހިމެނެއެވެ.
ތިނަދޫއިން ހޯދާފައިވާ ބަައެއްތަކެތި
ގދ.ގައްދޫ
ގައްދޫއިން ހުށަހަޅާފައިވާ ވައްކަމުގެ މައްސަލަތަކާއި ގުޅިގެން އެ ރަށުގައިވެސް ފުލުހުން ހާއްސަ އޮޕަރޭޝަންތަކެއް ހިންގާފައިވެއެވެ. އެގޮތުން، ވަގަށް ނަގާފައިވާކަމަށް ބެލެވޭ ހަތް ޓެބްލެޓާއި، ޓީވީއާއި، ލެޕްޓޮޕަކާއި، މޯބައިލް ފޯނާއި ދެ ބައިސްކަލުގެ އިތުރުން އެހެނިހެން ތަކެތި ފުލުހުން ހޯދާފައިވެއެވެ.
ހޯދާފައިވާ ފޯނުތަކެއް
ހޯދާފައިވާ ބައެއްތަކެތި
ގދ. މަޑަވެލި
މި މަހު 15 ވަނަ ދުވަހު މަޑަވެލިން ހުށަހަޅާފައިވާ ވައްކަމުގެ މައްސަލައާ ގުޅިގެން ހިންގި އޮޕަރޭޝަންގައި، ވަގަށް ނަގާފައިވާކަމަށް ބެލެވޭ އައިސް ބޮކްސްއަކާއި ދެ ފްލަޑް ލައިޓް ހޯދާފައިވެއެެވެ.
ގދ. ފަރެސްމާތޮޑާ
ފަރެސްމާތޮޑާއިން ހުށަހަޅާފައިވާ ވައްކަމުގެ މައްސަލަތަކާ ގުޅިގެން ހިންގި އޮޕަރޭޝަންތަކުގައި ގިނަ އަދަދެއްގެ އިލެކްޓްރޯނިކް ސާމާނު ހޯދާފައިވެއެެވެ.
ފުލުހުން މިއަދު ބުނީ އެ މައްސަލަތައް ފުލުހުން ދަނީ ތަހުގީގު ކުރަމުން ކަމަށެވެ.
