ރައީސް އިބްރާހިމް މުހައްމަދު ސޯލިހު ވަނީ، ވޭވަށުގެ 29 އަހަރުވީ އިންޖީނުގެ ނިއްވާލައި، އަލަށް އިމާރާތް ކުރި އިންޖީންގެ އާއި އޮފީސް ރަސްމީކޮށް ހުޅުއްވައިދެއްވައިފަ އެވެ.
ވޭވަށުގައި ހުންނަވާ މިނިސްޓަރު މަހުލޫފް ސަރުކާރުން ގެންނަ ތަރައްގީ ތަފާތުކޮށްގޮތަށް ދައްކާލެއްވީ އާއްމު ވީޑިއޯއެއްގަ އެވެ. އެ ވީޑިއޯގައި ވަނީ، މީގެ ކުރިން އެރަށުގައި ހުރި އިންޖީނުގެ އާއި، އަލަށް ތަރައްގީ ކުރި އިންޖީނުގެ ދައްކާލަ ދެއްވާފަ އެވެ. އަދި ދެ އިންޖީނުގޭގެ ތަފާތު މިނިސްޓަރު މަހުލޫފް ވަނީ ދައްކާލަ ދެއްވާފަ އެވެ.
ވީޑިއޯ އިން ފެންނަ ގޮތުގައި، ކުރިން އެރަށުގައި ބޭނުން ކުރަމުން ދިޔަ އިންޖީނުގެ ހުރީ، ބާވެ ހަލާކުވެފަ އެވެ. އަދި ޖާގައިގެ ގޮތުން އެ އިންޖީނުގެ ކުޑަކަން ފާހަގަ ވެ އެވެ. އެހެން ނަމަވެސް އަލަށް ހުޅުވި އިންޖީނުގެ އަކީ ޒަމާނީ ފެންވަރަށް ތަރައްގީ ކޮށް، ޖާގައިގެ ގޮތުން ވެސް ތަނަވަސް އިންޖީނުގެ އެކެވެ.
މިނިސްޓަރު މަހުލޫފްގެ ވީޑިއޯގައި ރައީސް ސޯލިހުގެ ސަރުކާރުން އެއްވެސް ރަށެއް ބާކީ ނުކޮށް ހުރިހާ ރަށަކަށް ވެސް ހަމަހަމަ އުސޫލަކުން ކަންކަން ކުރައްވަމުން ގެންދަވާ ކަމަށް ވިދާޅުވި އެވެ.
