އަލްގޯރިދްމިކްސްއަކީ، ބައިނަލް އަގްވާމީ ނެޓްވޯކެއް އެކުލެވޭ އުމުރުން 6 އަހަރާއި 17 އަހަރުގެ ކުދިންނަށް ހާއްސަ ކޯޑިން ސްކޫލެކެވެ. މި ސްކޫލުގައި ކިޔަވައިދޭ ބައިތަކުގެ ތެރޭގައި ވިޝުއަލް ޕްރޮގްރާމިން، ޕައިތަން އަދި ގޭމް ޑިޒައިނިންގ ފަދަ ކޯސްތައް ހިމެނެއެވެ. މި ކޯސްތަކުގެ ތެރެއިން ވެބްސައިޓް ޑިޒައިން ކުރުމާ، ކާޓޫން، ގްރެފިކްސް ޑިޒައިން އަދި ވީޑިއޯ ގޭމާ ޕްރޮގްރާމިން ފަދަ ހުނަރުތައް ދަސްކޮށްދެވޭނެއެވެ.
މި ޕްރޮގްރާމްތަކުގައި ބައިވެރިވާ ކުދިންނަށް ކްރިޓިކަލް ތިންކިން، ލޮޖިކަލް ރީޒަނިން، ޕްރޮޖެކްޓް ޕްލޭނިން އަދި ކޮމިއުނިކޭޝަންސް ސްކިލްސް ފަދަ ހުނަރުތައް ދަސްކޮށްދެވޭނެއެވެ. އޮންލައިންކޮށް އަދި ފިޒިކަލްކޮށްވެސް އަލްގޮރިދްމިކްސްގެ ކްލާސްތައް ކުރިއަށް ގެންދެވޭނެއެވެ.
ރާއްޖޭގައި ފުރަތަމަ ފަހަރަށް އަލްގޯރިދްމިކްސް އިފްތިތާހުކޮށްދެއްވީ ފަސްޓްލޭޑީ ފަޒްނާ އަހްމަދުއެވެ.
