ފައުޒިއްޔާ ނިޔާވީ ލަންކާ ހޮސްޕިޓަލުގައި މިއަދު ހެނދުނުގެ ވަގުތެއްގައެވެ. ފައުޒިއްޔާ ޙަސަން (އުއްސަކުރު ފައުޒިއްޔާ) ފާހަގަ ކުރެވުނީ ވަރަށް ހިތްހެޔޮ ކަނބަލެއްގެ ގޮތުގަ އެވެ.

ފައުޒިއްޔާ ނިޔާވުމާއި ގުޅިގެން އާއިލާއަށް ތައުޒިޔާ ވިދާޅުވެ ރައީސް ނަޝީދު ކުރެއްވި ޓްވީޓެއްގައި ވިދާޅުވީ، ރާއްޖޭގެ ބްރޯޑްކާސްޓިން ހަޔާތާއި ފަންނީ ކަންކަމުގައި ވިދާދިޔަ އެންމެ އަލިގަދަ އެއް ތަރި އޮއްސުމަކީ ދިވެހި އުއްމަތަށް ލިބުނު އަނދިރި ކަމެއް ކަމަށެވެ. 

މައުލޫމާތު ގޮތުގައި ފައުޒިއްޔާ ނިޔާވީ މެޔަށް ތަދެއް އަރައިގެން ވެއްޓި ފަރުވާދެމުން އަންނަނިކޮށެވެ. 

މި ފަހުން ލަންކާއަށް ގޮސް އުޅުނީ ބަލިވެގެން ނޫން ކަމަށާއި ވަކި ބައްޔަކަށް ފަރުވާ ހޯދަމުން ވެސް ނުދާ ކަމަށް އޭނާގެ ގާތް ބައެއް މީހުންނާ ހަވާލާދީ ރިޕޯޓްތައް ބުނެ އެވެ.