ރައީސް އޮފީހުން ބުނީ، ސަބް ކޮމެޓީގެ ރިޕޯޓާ ގުޅޭ ގޮތުން މިއަދު ކެބިނެޓުގައި މަޝްވަރާކޮށްފައިވާ ކަމަށެވެ. އަދި އެ ދުވަހު ކަންތައް ހިނގައި ދިޔަގޮތް ދިރާސާކޮށް، އެ ކަންކަން ދެނެގަތުމަށް ކޮމެޓީން ކުރި މަސައްކަތްތައް އެ ރިޕޯޓްގައި ހިމަނާފައިވާ ކަމަށާއި، ފަސް ދާއިރާއަކުން 39 ރިކޮމެންޑޭޝަނެއް އެ ރިޕޯޓްގައި ހުށަހަޅާފައިވާ ކަމަށެވެ.
ވަޒީރުންގެ ރރިޕޯޓްގައި ފާހަގަކުރި މައިގަނޑު ކަންކަމުގެ ތެރޭގައި ސެކިއުރިޓީ ބެލެހެއްޓުމާއި ސެކިއުރިޓީ އޮޕަރޭޝަންތައް ހިންގުމުގައި އަމަލުކުރާނެ ގޮތް ނިންމުމާ ދީނީ ގޮތުން ހިލާފު އުފެދޭ ކަންކަމުގައި އަމަލުކުރާނެ ސިޔާސަތު އެކުލަވައިލުން އަދި އިވެންޓްތައް ރާވައި އިންތިޒާމުކުރާނެ ގޮތްތައް ނިންމުމާއި އިހުމާލުވެފައިވާ ފަރާތްތަކާ މެދު ފިޔަވަޅު އެޅުން ހިމެނެއެވެ. މީގެ އިތުރުން ގައުމީ ސަލާމަތަށް ނުރައްކާ ވެދާނެ ކަންކަމަށް މަގުފަހިކުރުވާ ކަންކަން ދެނެގަތުން އަދި މައްސަލަ ހައްލުކުރަން އަވަސް ފިޔަވަޅުތައް އެޅުންވެސް ރިޕޯޓުގައި ހިމެނެއެވެ.
