މެންބަރު ވަހީދު
"މެދުމިނުގެ" ދީނީ ތައުލީމު ދިނުމަށް ގޮވާލާ މަޖިލީހަށް މައްސަލައެއް
އަހުމަދު ހަސަން
31 އޯގަސްޓް 2022 - 10:02:53
ރާއްޖޭގައި ހަރުކަށި ފިކުރާއި އަނިޔާވެރި އަމަލުތައް ގިނަވަމުންދާ ކަމަށް ވިދާޅުވެ، ރައްޔިތުންގެ މަޖިލީހަށް މައްސަލައެއް ހުށަހަޅައިފިއެވެ. މި މައްސަލަ މިއަދު އޮތް މަޖިލީހުގެ ޖަލްސާއަށް ހުށަހެޅުއްވީ އުނގޫފާރު މެންބަރު މުހައްމަދު ވަހީދުއެވެ.
Advertisement
މި މައްސަލައިގައި، މީގެ ހަފްތާއެއްހާ ދުވަސްކުރިން ޖޭޕީގެ ތަރުޖަމާން އަލީ ސޯލިހަށް އަމާޒުކޮށް ދިން ހަމަލާގެ ވާހަކަ ފާހަގަކޮށްފައިވެއެވެ. އަދި މަރާލެވިފައިވާ މީހުންނާއި ގެއްލުވާލެވިފައިވާ މީހުންނާ ގުޅޭ މައްސަލަތައް ބަލަން އެކުލަވާލި ރިޔާސީ ކޮމިޝަނާ ހަވާލާދީ، ދީނުގެ ނަމުގައި މީހުންނަށް ހަމަލާދީ މަރައި ހެދުމުގެ ރެކޯޑް އޮތް މީހުން އާއްމުންގެ ތެރޭގައި އުޅޭކަން ފާހަގަކޮށްފައިވެއެވެ.
އިސްލާމިކް މިނިސްޓްރީއާ ގުޅިގެން ދިވެހިރާއްޖޭގައި ދީނީ ތައުލީމު ދިނުމާއި ދީނީ ވައުޒާއި ނަސޭހަތް ދިނުމުގެ ކަންކަން ހިނގަނީ އިސްލާމީ ދުނިޔޭގެ މަޝްހޫރު ބޮޑެތި ގިނަ އިލްމެވރިން އިއްތިފާގުވާ "މެދުމިނުގެ" އިންތަކުގެ ތެރޭގައިކަން ކަށަވަރުކުރުމުގެ މަސައްކަތް އިތުރަށް ބާރަށް ހިންގުމަށް ގޮވާލާ ރައްޔިތުންގެ މަޖިލީހުގެ ގަވައިދުގެ 179 ވަނަ މާއްދާގެ ދަށުން މި މައްސަލަ ހުށަހަޅަމެވެ.
އަދި ހަރުކަށި ފިކުރުގެ މީހުން ކުރާ ކަންކަމާމެދު ފިޔަވަޅު އެޅުމުގައި މުއައްސަސަތާތަކުން ފަހަތު ފަޔަށް ބުރަވެފައިވާ ކަމަށް މެންބަރު ވަހީދުގެ މައްސަލައިގައި ބަޔާންކޮށްފައިވެއެވެ. އަދި އެކަމުން ސަލާމަތްވުމަށް ހިއްވަރާއެކު އާ އިންތިޒާމެއްގެ ތެރެއިން މަސައްކަތް ކުރަން ޖެހޭ ކަމަށް މި މައްސަލައިގައި ބުނެފައިވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
