މަރްހޫމް އުމަރު ޒާހިރު
މަރްހޫމް އުމަރު ޒާހިރަކީ މި ޖީލަށް މޯޓިވޭޝަނެއް: ނާއިބު ރައީސް
އަހުމަދު ހަސަން
05 ސެޕްޓެމްބަރ 2022 - 10:54:41
މަރްހޫމް އުމަރު ޒާހިރަކީ މި ޖީލުގެ ޝަހުސިއްޔަތު ކަމަށާއި އުމަރު ޒާހިރުގެ ވާހަކަތަކަކީ ޒުވާނުންނަށް މޯޓިވޭޝަނެއް ކަމަށް ނާއިބު ރައީސް ފައިސަލް ނަސީމް ވިދާޅުވެއްޖެ އެވެ.
Advertisement
ފައިސަލް މިހެން ވިދާޅުވީ މައުމޫން އަބްދުލްގައްޔޫމުގެ ފައުންޑޭޝަނުން އުމަރު ޒާހިރާ ގުޅޭ ގޮތުން ތައްޔާރުކުރި ފޮތެއް ނެރުމަށް ބޭއްވި ޖަލްސާ ޝަރަފުވެރި ކޮށްދެއްވަމުން ދެއްކެވި ވާހަކަފުޅުގައެވެ.
"އަޅުގަނޑުމެން މި ވާހަކަތައް ސްކޫލުތެރޭގައި ދައްކަން އެބަޖެހޭ. އެކި ތަންތަނުގައި ދައްކަން އެބަޖެހޭ. އަޅުގަނޑުމެންގެ ޒުވާނުން މޯޓިވޭޓް ކުރުމަށްޓަކައި ވެސް މި ވާހަކަ ދައްކަން އެބަޖެހޭ. މީހުންގެ ޕޮޒިޓިވް ވިސްނުން ގެނައުމަށްޓަކައި ވެސް އަޅުގަނޑުމެން މި ވާހަކަ ދައްކަން އެބަޖެހޭ. ބައިސިކަލްކޮޅުގައި މާލޭގައި ދެކޮޅަށް ދުއްވި މަންޒަރު އަޅުގަނޑުމެން ދެކުނިން. ކައިރިން ކޮންމެ ކަމެއް ބެއްލެވި. ޒިންމާ ނަންގަވަނީ. ޒިންމާ ހަވާލު ނުކުރެއްވިޔަސް ތިމާގެ އަމިއްލަ ކަމެއް ކަމަށް ދެކެވަޑައިގެން، ތިމާގެ ގައުމުކަން މިއީ، ތިމާގެ ރައްޔިތުންކަން މިއީ. ގައުމަށް އެންމެ ހެޔޮއެދޭ މީހުންގެ ސިފަތަކަކީ"
ކޮވިޑުގެ އާލާސްކަންފުޅުގައި އުމަރު ޒާހިރު ދެމިއޮތުމުގެ އާލަމަށް ދަތުރު ކުރެއްވީ މިދިޔަ އަހަރުގެ ފަހުކޮޅުއެވެ. އުމަރު ޒާހިރަކީ 50 އަހަރަށް ވުރެ ގިނަ ދުވަހު ގައުމަށް ގިނަ ހިދުމަތްތަކެއް ކޮށްދެއްވާފައިވާ ބޭފުޅެކެވެ. ގައުމީ ބޮޑެތި މަސައްކަތްތައް އަމަލީ ގޮތުން ހިންގެވުމާއި އެ މަސައްކަތްތައް ހިނގާނުހިނގާގޮތް ބެއްލެވުމާއި އިޖުތިމާއީ އަދި ގައުމީ އެންމެހާ ކަންކަމުގައި ހަރަކާތްތެރިވެވަޑައިގަތުމުގެ ލާމަސީލު މިސާލެކެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
