އެކަން ހާމަކުރައްވާ މިއަދު ރައީސް އޮފީހުން ބޭއްވި ނޫސްވެރިންގެ ބައްދަލުވުމުގައި އެ އޮފީހުގެ ތަރުޖަމާން މުހައްމަދު މިއުވާން ވިދާޅުވީ، މާލެއަށް ގުޅައިގެން އާސަންދަ ހަމަޖައްސަން ދަތިތައް ދިމާވާތީ، ރަށުގައި ތިބެގެން އާސަންދަ ހިދުމަތް ފަސޭހަކަމާއިއެކު ހޯދުމުގެ ފުރުސަތު ފަހިކޮށްދިނުމަށް، ވަރަށް ގިނަ ފަހަރު ރަށްރަށަށް ރައީސް އިބްރާހިމް މުހައްމަދު ސޯލިހް ވަޑައިގަންނަވާއިރު، ރައްޔިތުންގެ ފަރާތުންވެސް އަދި ހޮސްޕިޓަލުތަކުގެ ފަރާތުންވެސް އެދިވަޑައިގަންނަވާ ކަމަށެވެ.
މިވަގުތު އާސަންދަ ހިދުމަތުގެ ޑެސްކު އެ ދެ ހޮސްޕިޓަލުގައި ގާއިމުކުރެވުނު ނަމަވެސް ކުރިއަށް އޮތްތަނުގައި މުޅި ރާއްޖޭގައި އެ ހިދުމަތް ދެވޭނެ އިންތިޒާމު ހަމަޖެއްސުމަށް ސަރުކާރުން އަމާޒު ހިފާފައިވާ ކަމަށްވެސް މިއުވާން ވިދާޅުވި އެވެ.
އެމަޖެންސީ ހާލަތެއްގައި އާސަންދަ ހަމަޖައްސަން ޖެހި މާލެއަށް ގުޅައިގެން އެކަން ހަމަޖައްސާއިރު ގިނަ ވަގުތުތަކެއް ނަގާތީ އެކަމުގެ ކަންބޮޑުވުންތައް ރަށްތަކުގެ ހޮސްޕިޓަލުންނާއި، ރައްޔިތުން، އަބުދުވެސް ފާހަގަކުރެއެވެ.
