ބީލަމުގެ އުސޫލުން ހުޅުމާލެއިން 77 ގޯތި ގަތުމުގެ ފުރުސަތު މިދިޔަ އޮގަަސްޓުމަހުގެ 25 ވަނަ ދުވަހު އެޗްޑީސީން ހުޅުވާލި އެވެ.
އެގޮތުން ބީޗު ފްރަންޓުން ގޯތި ގަތުމަށް މުއްދަތު ދީފައި އޮތީ އަންނަ އޮކްޓޫބަރު ތިނަކަށެވެ. އަދި ބީޗު ސައިޑުން ގޯތި ގަތުމަށް މުއްދަތު ދީފަައި އޮތީ ހަތަރުވަނަ ދުވަހުގެ ނިޔަލަށެވެ.
މިމުއްދަތު މިހާރު ވަނީ އިތުރު ދެ ދުވަހަށް އިތުރުކޮށްފަ އެވެ.
އެޗްޑީސީން ބުނެފައިވާގޮތުން، ބީޗު ފްރަންޓުން 22 ގޯއްޗާއި، ބީޗް ސައިޑުން 52 ގޯތި ބީލަމުގެ އުސޫލުން ވިއްކާނެއެވެ. ވިއްކަން ނިންމާފައި ވަނީ 1،095.05 އަކަފޫޓާއި 2،588.14 އަކާފޫޓާއި ދެމެދުގެ ބިމެވެ.
ބީޗު ފްރޮންޓުން ވިއްކާ ގޯތީގެ ބީލަން ފެށޭ އަގަކީ 6،500 ރުފިޔާ އެވެ. އަދި ބީޗު ސައިޑުން ވިއްކާ ގޯތީގެ ބީލަން ފެށޭ އަގަކީ 5،500 ރުފިޔާ އެވެ.
އޭގެ އިތުރުން ބިޑް ސެކިއުރިޓީގެ ގޮތުގައި އެއް މިލިއަން ރުފިޔާ ދައްކަން ޖެހެ އެވެ.
