މައުލޫމާތު ލިބިފައިވާ ގޮތުގައި މި މައްސަލަ ކޮމިޓީއަށް ހުށަހެޅީ އެ ކޮމިޓީގެ މެންބަރު މަޑުއްވަރީ ދާއިރާގެ މެންބަރު އާދަމް ޝަރީފެވެ. އާދަމް ޝަރީފް އެދިވަޑައިގަތީ އިޖުރާއަތްތަކާ ހިލާފަށް އިސްލާމިކް މިނިސްޓްރީގެ ތެރެއިން ޔޯގާއާ ގުޅޭ ގޮތުން ފަތުވާއެއް ނެރެ، ޔޯގާ ހަރަކާތް ހުއްޓުވަން އަންގައި ދިވެހި ފުލުހުންގެ ހިދުމަތަށް ސިޓީއެއް ފޮނުވި ގޮތެއް ބަލައިދިނުމަށެވެ.
މިއަދު ބޭއްވި ކޮމިޓީ ބައްދަލުވުމުގައި، އިސްލާމިކް މިނިސްޓްރީގެ ބޭފުޅުންގެ އިތުރުން ފުލުހުންގެ އިސް ބޭފުޅުން ވެސް ކޮމިޓީއަށް ހާޒިރުކުރުމަށް ކޮމިޓީގައި މަހިބަދޫ މެންބަރު ތޯރިގުވަޏީ އެދިވަޑައިގެންފައެވެ. މި ހުށަހެޅުމަށް ކުޅުދުއްފުށި އުތުރު ދާއިރާގެ އެމްޑީޕީގެ މެންބަރު ޔާސިރު އަބްދުލް ލަތީފް ވަނީ ތާއީދުކުރައްވައިފަ އެވެ.
އެހެން ނަމަވެސް ކޮމިޓީގެ މުގައްރިރު، މާފަންނު ހުޅަނގު ދާއިރާގެ މެންބަރު މުހައްމަދު ފަލާހް ވިދާޅުވީ ސަލާމަތީ ހިދުމަތްތަކާ ގުޅުން ހުރި ކަންކަން އެ ކޮމިޓީއަށް ނުބެލޭނެ ކަމަށް ގަވާއިދުގައިވާ ކަމަށެވެ. ސަލާމަތީ ހިދުމަތްތަކުގެ ކަންކަން ބަލަނީ 241 ކޮމިޓީންނެވެ.
