އެމަނިކުފާނު އުތީމަށް ވަޑައިގެންފައި މިވަމީ، އެމަނިކުފާނު މިހާރު ތިލަދުންމަތީ އުތުރުބުރީގެ ދެ ރަށަކަށާއި، ތިލަދުންމަތީ ދެކުނުބުރީގެ ދެ ރަށަކަށް ކުރައްވާ ތިން ދުވަހުގެ ރަސްމީ ދަތުރުފުޅުގެ ތެރެއިންނެވެ.
އެމަނިކުފާނު އުތީމަށް ވަޑައިގެންނެވި އިރު، ބަނދަރު މަތީގައި ގިނަ އަދަދެއްގެ ރައްޔިތުން ވަނީ އެމަނިކުފާނަށް މަރުހަބާ ދެންނެވުމަށް ވަޢައިގެންފަ އެވެ.
އެމަނިކުފާނު އުތީމަށް މިއަދު ވަޑައިގެންފައި ވާއިރު، އެމަނިކުފާނާއި އެމަނިކުފާނުގެ އަނބިކަނބަލުމް ފަޒްނާ އަހުމަދު ގެ ޝަރަފުގައި އުތީމު ރައްޔިތުން ދެއްވާ ހާއްސަ ޖާފަތެއްގައި މިރޭ ބައިވެރިވެވަޑައިގަތުމަށް ވަނީ ހަމަޖެހިފަ އެވެ.
މީގެ އިތުރުން މާދަމާ ފާހަގަ ކުރާ ގައުމީ ދުވަހުގެ މުނާސަބަތާއި ގުޅިގެން ބާއްވާ ހާއްސަ ދިދަ ނެގުމުގެ ރަސްމިއްޔާތުގައި އެމަނިކުފާނު ބައިވެރިވެވަޑައިގަންނަވާއިރު، މާދަމާ ގައުމީ ދުވަހުގެ ރަސްމީ ޖަލްސާގައިވެސް އެމަނިކުފާނު ބައިވެރިވެވަޑައިގަތުމަށް ވަނީ ހަމަޖެހިފަ އެވެ.
އެމަނިކުފާނު އުތީމަށް މިއަދު ވަޑައިގެންފައި ވާއިރު، މިއަދު އެމަނިކުފާނު ވަނީ، ނައިވާދޫ އާއި ފިނޭ އަށްވެސް ވަޑައިގެންފަ އެވެ. އަދި އެ ދެރަށުގައި ސަރުކާރުން ހިންގާ ޕްރޮޖެކްޓު ތަކުގެ ތެރެއިން ނިމިފައި ހުރި މަޝްރޫއުތައް އެމަނިކުފާނު ވަނީ އިފްތިތާހު ކޮށްދެއްވާފަ އެވެ.
އެމަނިކުފާނުގެ މި ދަތުރުފުޅުގައި އަރިހުގައި އަނބިކަނބަލުން ފަޒްނާ ބައިވެރިވެވަޑައިގަންނަވާއިރު، ސަރުކާރުގެ ވުޒާރާތަކުގެ ވެރިންނާއި، މަޖިލިސް މެމްބަރުންގެ އިތުރުން ސަރުކާރު ކުންފުނި ތަކުގެ ވެރިން އަންނަނީ ބައިވެރިވަމުންނެވެ.
