”އާދެ ދުވާފަރު ދަންޑަހިލުގެ ވާހަކައަށް އަޅުގަނޑު މި އިޝާރާތްކުރީ. ވަރަށް ކުޑަކުޑަ މަދު ބޭފުޅުންކޮޅެއް ނިކުމެ، ނެރެއްވައިގެން އެބޭފުޅުން ބިނާކުރައްވާ ތަރުބިއްޔަތު ކުރައްވާ، އެބޭފުޅުންނަށް ހިތްވަރާއި އަޒުމުދެެއްވައި ނިކުމެވަޑައިގެން ފަސް އަހަރަށްވުރެ ގިނަ ދުވަހު، އަނގަމަތީ މަސްދޯންޏެއްގައި ރެޔާއި ދުވާލު، ވާރެއާއި ވިއްސާރާގައި އެ ކުޑަ ޖަމާއަތް ގޮވައިގެން ހޭދަކުރައްވައި، ރަށްރަށަށް ކޮންމެ ރެއަކު އަރުއްވައި ޕޯޗުގީޒުން މަރުއްވައި، އެމީހުންގެ ވަކިތައް ނޮޅުއްވައި ބަލިކުރައްވައި، ރާވެރިންނަށް އިސްކަން ދެއްވައި ބަލިކަށި މީހުންނަށް އިސްކަން ދެއްވައި ރަށްރަށް ފަތަހަކުރައްވަމުން ރާއްޖެ އިސްލާމުކޮށްދެއްވައި، މުޅި ރާއްޖޭގައި އަދުލުވެރި އިންސާފުވެރި ވެރިކަމެއް ގާއިމުކޮށްދެއްވައި، ރާއްޖޭގެ ރައްޔިތުންނަށް އުގަންނައި ދެއްވައި، ދަސްކޮށްދެއްވައި، ތަރުބިއްޔަތުކޮށްދެއްވައި ރާއްޖޭގައި ގައުމިއްޔަތެއް ބިނާކޮށްދެއްވީ.“ މިނިސްޓަރު ވިދާޅުވި އެވެ.