މި މަޖައްލާގެ އަދަދުތައް ނެރޭނީ ކޮންމެ ހަފްތާއެއްގެ ހުކުރު ދުވަހު އެވެ. އެގޮތުން މި މަޖައްލާގެ ފުރަތަމަ އަދަދު ނެރޭނީ މިމަހުގެ 30 ވާ ހުކުރު ދުވަހު އެވެ.
މަޖައްލާއެއްގެ އަގަކީ 50 ރުފިޔާ އެވެ. މި މަޖައްލާ ގަންނަން ލިބޭނެކަމަށް ބުނެފައިވަނީ، ބުކްޝޮޕްތަކުންނާއި، ބައެއް ސައިހޮޓާތަކުގެ އިތުރުން ރެސްޓޯރަންޓު ތަކުންނެވެ.
ޕްރިންޓުކޮށްގެން ކޮންމެ ހަފްތާއެއްގެ ހުކުރު ދުވަހު ނެރޭ މި މަޖައްލާގެ ފުރަތަމަ އަދަދު ހާއްސަކޮށްފައިވަނީ، ”ޓެކްސް ބަދަލު“ މައުލޫގައި، ސަރުކާރުގެ އާމްދަނީޔާއި، ތަކެތީގެ އަގު އުފުލުމާއި ގުޅޭގޮތުން ނެވެ.
އެގޮތުން މިމައްޖައްލާގައި ހިމަނާފައިވާ ތިން ދާއިރާ:
- ތިމާވެށި :ދަރަންޏާއި ތިމާވެއްޓާއި ބަދަލުކުރުން
- އިޖްތިމާއީ : ގޭގައި ވިހެއުން، މައިމީހާގެ އެކަނިވެރިކަން ފިލުވައިދިނުން، ފޫޅުމައިދައިތަ
- ކުޅިވަރު : ހެލިފެލިވުމުގެ ސައިންސް
އޯޝަން ވީކްލީގެ ނަމުގައި ނެރޭ މަޖައްލާގެ ބޭރުގަނޑު——ފޮޓޯ:އޯޝަން ވީކްލީ
ޕްރިންޓުކޮށްގެން އަމިއްލަ ނޫސްމަަޖައްލާއެއް ނެރުއްވަން ނަޝީދު ތައްޔާރުވަމުންދާއިރު، އެމަނިކުފާނު ސިޔާސީ ދާއިރާއަށް ނިކުންނެވުމުގެ ކުރިން ވަނީ ނޫސްވެރިއެއްގެ ގޮތުގައި ލިއުންތައް ލިޔުއްވާފަައެވެ.
އެމަނިކުފާނަކީ، ލިޔުންތެރިއެއްގެ އިތުރުން ތާރީހާއި ސަގަފާތް ދިރާސާ ކުރެއްވުމާއި އެފަދަ ލިއުންތައް ލިޔުއްްވަން ލޯބިކުރައްވާ ބޭފުޅެކެވެ.
އެމަނިކުފާނު އެންމެ ފަހުން ނެރުއްވި ފޮތަކީ، 2020 ވަނަ އަހަރު ނެރުއްވި ”ދެރަދުން“ ނެވެ.
