ޝަރީފް މިފަދައިން ވިދާޅުވެފައިވަނީ ސީއެންއެމް ޓީވީގެ "އިތުރުކާފު" ޕްރޮގްރާމުގައި ވާހަކަ ދައްކަވަމުންނެވެ.
ޝަރީފް ވިދާޅުވީ ސީޕްލޭން ޓާމިނަލް މިހާރު ބޭނުން ކުރަމުން އަންނަނީ ދެ ފަރާތަތަކުން ކަމަށެވެ. އަދި އެއީ މަންތާ އެއާ އާއި ޓީއެމްއޭ ކަމަށެވެ. އެގޮތުން ޓީއެމްއޭއަކީ ރާއްޖޭގައި އޮތް އެންމެ ބޮޑު ސީޕްލޭން އޮޕަރޭޓަރުކަން ޝަރީފް ފާހަގަކުރެއްވި އެވެ.
ޕްރޮގްރާމްގައި ވާހަކަ ދައްކަވަމުން ޝަރީފް ވަނީ 10.35 ޑޮލަރަށް އަކަމީޓަރެއް ޓިއެމްއޭއަށް ދޭންޖެހޭ ސަބަބު ހާމަކޮށްދެއްވާފައެވެ.
"މިމީހުން [ޓީއެމްއޭ] ކުރިން ތިބި ސަރަހައްދުން މޫވްކުރަން، އެމްއޭސީއެލުން އެދިގެން މޫވްކުރަން މި ރަންވޭ ހެދުމަށްޓަކައި، ޖެހުނު އިރުގައި އެމީހުން ތިބި ރޭޓްއަކީ ތިއީ. އޭރު އެމީހުން މޫވްކުރި އިރުގައި އެމީހުންގެ މުއްދަތުހަމައެއްނުވޭ. އެހެން ވީމާ ތިޔަ ރޭޓްއާ ކޮމްޕެއާކުރާނެ އެހެން ރޭޓްއެއްނެތް. އަޅުގަނޑުމެން މިބެލީ އެމީހުނަށް މިހާރު އޮތް، ބޭނުންކުރާ 6400 ސްކުއޭމީޓަރު ނުވަތަ އަކަމީޓަރުގެ ބިން އެމީހުން މިހާރުވެސް ތިބި އަގަށް މި ކުރިއަށްއޮތް ދެ އަހަރު، އެމީހުން ކުރިން މޫވްކުރި އިރުވެސް ހަމަނުވާތީ ދިނުމަކީ އިންސާފުވެރިގޮތޭ. އަދުލުވެރި ގޮތެއްކަމަށް." ޝަރީފް ވިދާޅުވި އެވެ.
އެނޫން އަގަކަށް ޓިއެމްއޭއަށް ދީފިނަމަ އެމީހުނަށް ޝަކުވާ ކުރުމުގެ ފުރުސަތު އެބައޮތްކަމަށް ޝަރީފް ވިދާޅުވި އެވެ.
މީގެ އިތުރުން ޝަރީފް ވިދާޅުވީ އެމްއޭސީއެލުން ސީޕްލޭން ޓާމިނަލް ހިންގުމުގެ ވިސްނުން ގެންގުޅެފައި ނުވާކަމަށެވެ.
