ދެކުނު ކޮރެއާގެ ޖޮއިންޓް ޗީފްސް އޮފް ސްޓާފް ވަނީ މިސައިލް ފޮނުވާލައިފައިވާކަން ކަށަވަރު ކޮށްދީފައެވެ.
ޖަޕާނުގެ ބޮޑުވަޒީރުގެ އޮފީހުން ކުރި ޓުވީޓެއްގައި ބުނެފައިވަނީ، ދެކުނު ކޮރެއާއިން މިސައިލް ފޮނުވާލާފައިވަނީ ޖަޕާނުގެ އުތުރުގެ ރަށެއް ކަމަށްވާ ހޮކައިޑޯގެ މަތިން ކަމަށެވެ.
މިއީ އުތުރު ކޮރެއާގައި މިސައިލް ފޮނުވުމުގެ ގާބިލްކަން ހުރިކަން ދައްކައިދޭ ކަމެއް ކަމަށް ވެސް ޖަޕާނުން ބުނެއެވެ. އެ ޓުވީޓުގައި ވަނީ އިމާރާތެއްގެ ތެރޭގައި ރައްކާތެރިކަން ހޯދުމަށް އިލްތިމާސްކޮށްފަ އެވެ.
ހަމަ އެ ބަޔާނުގައި ޖަޕާނުގެ އާންމު ރައްޔިތުންނަށް އިލްތިމާސްކޮށްފައި ވަނީ ޝައްކުކުރެވޭ ގޮވާ ކަހަލަ އެއްޗަކާ ކައިރި ނުވުމަށާއި، އެފަދަ އެއްޗެއް ފެނިއްޖެ ނަމަ ވަގުތުން ފުލުހުންނާއި ފަޔާ ޑިޕާޓްމެންޓަށް ގުޅުމަށެވެ.
އުތުރު ކޮރެއާއިން މި އަހަރުތެރޭގައި 23 މިސައިލް ޓެސްޓު ކޮށްފައިވާއިރު އޭގެ ތެރޭގައި ބެލިސްޓިކް އަދި ކްރޫޒް މިސައިލް ވެސް ހިމެނެއެވެ.
