އަލީ ވަހީދު..
ކުރީގެ ޓުވަރިޒަމް މިނިސްޓަރު އަލީ ވަހީދުގެ މައްސަލަތައް ބޭރުކޮށްލައިފި
އަހުމަދު ހަސަން
04 އޮކްޓޯބަރ 2022 - 21:37:09
ޓުއަރިޒަމް މިނިސްޓްރީގެ އަންހެން މުވައްޒަފުންތަކަކަށް ޖިންސީ ގޯނާ ކުރިކަމުގެ ތުހުމަތުގައި ކުރީގެ ޓޫރިޒަމް މިނިސްޓަރު އަލީ ވަހީދުގެ މައްޗަށް ދައުލަތުން އުފުލާފައިވާ ހަ ދައުވާ ކްރިމިނަލް ކޯޓުން އަނބުރާ ފޮނުވާލައިފި އެވެ.
Advertisement
މި މައްސަލަތައް އަނބުރާ ފޮނުވާލާފައިވާކަން ކްރިމިނަލް ކޯޓުންވަނީ ބައެއް މީޑިއާތަކަށް ކަށަވަރުކޮށްދީފައެވެ. މައްސަލަތައް ބޭރުކޮށްލިއިރު، އަލީ ވަހީދު ރާއްޖޭން ބޭރުގައި ފިލައިގެން އުޅޭތާ އެތައް ދުވަހެއް ވެއްޖެއެވެ. އަލީ ވަހީދު ގެންނަން އިންޓަޕޯލް ރެޑް ނޯޓިސް ނެރެގެން ވެސް އެކަން ކާމިޔާބުވާ ގޮތެއް ނުވިއެވެ.
އަލީ ވަހީދު އިނގިރޭސިވިލާތަށް ވަޑައިގަތީ އޭނާގެ ޕާސްޕޯޓް ހިފަހައްޓަން ނެރެފައި އޮތް އަމުރު ކްރިމިނަލް ކޯޓުން ބާތިލްކޮށް ބޭސްފަރުވާއަށް ފުރުމުގެ ހުއްދަ އެ ކޯޓުން ދިނުމުންނެވެ. އޭނާގެ ޕާސްޕޯޓް ދޫކުރީ ޖާމިނުވާ މީހެއްގެ ގޮތުގައި ޔޫތު މިނިސްޓްރީގެ ސްޓޭޓް މިނިސްޓަރު އަސްއަދު އަލީ އެއްބަސްވުމުންނެވެ. އޭނާގެ ޕާސްޕޯޓް ދޫކޮށްފައިވަނީ ސުލޫކީ މައްސަލަތަކެއް ބަލަމުން އައި ހަސަން ސައީދު ގާޒީއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
