އޭނާ އަށް މިހާރު ދަނީ ފެރިދޫ ސިއްހީ މަރުކަޒުގައި ފަރުވާދެމުން ނެވެ. އެ ލޯންޗުން ދަތުރުކުރި ދެ ވަނަ މީހާ ހޯދުމުގެ މަސައްކަތްދަނީ ކުރަމުން ނެވެ.
މާޅޮހުގެ ދެކުނުން ބަންޑުން ޖަހާލާފައި އޮތް ލޯންޗެއް ފެނިގެން އެމްއެންޑީއެފް އިން ހަރަކާތްތެރިވާން ފެށިކަން މިއަދު 14:52 ހާއިރު ވަނީ ހާމަކޮށްފައެވެ.
އެމްއެންޑީއެފްއިން ބުނީ، އެ ލޯންޗު ފެނުނުއިރު، އޭގައި އެއްވެސް މީހަކު ނެތްކަމަށެވެ.
ދާދިދެންމެއަކު ފުލުހުން ބުނީ، އިއްޔެ މެންދުރު 13:00 ހާއިރު މާލެއިން ފުރައިގެން އުކުޅަހަށް ދަތުރުކުރި ލޯންޗެއްގެ ހަބަރެއް ނުވެގެން ފުލުހުންނަށް ރިޕޯޓުކޮށްފައިވާ ކަމަށާއި، ބަންޑުން ޖަހާލާފައި އޮއްވާ މިއަދު ފެނުނު ލޯންޗަކީ އެ ލޯންޗު ކަމަށެވެ.
އެ ލޯންޗުފުރީ މާލެ، ކުރީގެ ކުނިކޮއްޓާއި ދިމާއިން ކަމަށާއި، އެ ލޯންޗުން ދަތުރުކުރީ ދިވެހި ދެ ފިރިހެނުންކަމަށް މައުލޫމާތު ލިބިފައިވާ ކަމަށް ފުލުހުން ބުންޏެވެ.
އޭގެތެރެއިން އެކަކު ފެރިދޫ ފުއްޓަރު ފަރާތުން ފެނުނުއިރު، އަނެކަކު ހޯދުމުގެ މަސައްކަތް ފުލުހުން ދަނީ ކުރަމުން ނެވެ.
