“ތްރީ ޖެނެރޭޝަން ވޯކު” އަކީ މަންމަ ބައްޕަ އަދި މާމަ ކާފައިން ހިމެނޭހެން ތިން ޖީލުގެ އާއިލީ ގުޅުން ބަދަހިކުރުމަށް އަމާޒުކޮށް ކުރިއަށްގެންދިޔަ ހިނގާލުމެކެވެ. މި ހިނގާލުން ކުރިއަށް ގެންގޮސްފައިވަނީ ވަލިފަންނު ސަރަހައްދުން ފެށިގެން ސްޕޯޓްސް ޕާކަށެވެ.
ހިނގާލުން ނިންމާލުމަށްފަހު ރައީސުލްޖުމްހޫރިއްޔާގެ އަނބިކަނބަލުން، އެ ޕާކުގައި ކުރިއަށްދިޔަ އާއިލީ ހަވީރަށް ވަޑައިގެން އެތަނުގައި ހުރި ސްޓޯލްތަކަށް ޒިޔާރަތް ކުރައްވާ، ކުޑަކުދިންގެ ނެށުމުގެ ބައެއް އައިޓަމްތައް ބައްލަވާލެއްވިއެވެ. އަދި އެ އާއިލީ ހަވީރުގައި ބައިވެރިވި އެކި އުމުރުފުރާތަކުގެ ފަރާތްތަކާއެކު ވަގުތު ހޭދަކުރައްވާފައިވެއެވެ. މި ހިނގާލުމާއި އާއިލީ ހަވީރުގައި ފުވައްމުލައް ސިޓީގެ ގިނަ އަދަދެއްގެ އާއިލާތަކުން ތިން ޖީލުގެ މީހުން ބައިވެރިވެފައިވެއެވެ.
މި ހިނގާލުމާއި އާއިލީ ހަވީރުގައި ރައީސުލްޖުމްހޫރިއްޔާގެ އަނބިކަނބަލުންގެ އަރިހުގައި ޖަޕާނު ސަރުކާރުން ރާއްޖެއަށް ކަނޑައަޅުއްވާފައި ހުންނަވާ ސަފީރު ހާ އެކްސެލެންސީ ތަކެއުޗި މިދޮރި، މިނިސްޓަރ އޮފް ޖެންޑަ، ފެމިލީ އެންޑް ސޯޝަލް ސަރވިސަސް، އާއިޝަތު މުހައްމަދު ދީދީ އަދި ފުވައްމުލައް ސިޓީ މޭޔަރ އިސްމާޢީލް ރަފީގް ބައިވެރިވެޑައިގަތެވެ.
