ލޯބީގެ ގޮތުން ގުޅިގެން އުޅޭތާ އެތައް އަހަރުތަކެއްފަހުން ސެލީނާ އާއި ޖަސްޓިން ރުޅިވެ، އޭގެ މަހެއްފަހުން 2018 ވަނަ އަހަރުގެ ތެރޭގައި ހެއިލީ އާއި ޖަސްޓިން ކައިވެނިކުރި އެވެ.
ސެލީނާ އާއި ރުޅިވިތާ މަހެއްގެ ތެރޭ ހެއިލީ އާއި ކައިވެނި ކުރުމުން ސެލީނާގެ ފޭނުން ގަބޫލުކުރީ ހެއިލީ އާއި ޖަސްޓިންގެ ދެމެދުގައި ލޯބީގެ ގުޅުން މާކުރިންވެސް އޮތްކަމަށާއި، ސެލީނާ އާއި އެކު އުޅުނުއިރުވެސް ހެއިލީ އާއި ޖަސްޓިންގެ ލޯބީގެ ގުޅުން އޮތް ކަމަށެވެ. އަދި ޖަސްޓިން އާއި ސެލީނާ ރުޅިވީ ހެއިލީ އެދޭތެރެއަށް ވަދެގެން ކަމަށް ބުނެ ހެއިލީއަށް ބޮޑެތި ފާޑުކިއުންތަކެއް ވެސް ވަނީ އަމާޒުވެފައެވެ.
މި ފާޑުކިއުންތަކަށް ރައްދުދީ މިފަހުން ހެއިލީ ދިން އިންޓަވިއުއެއްގައި އޭނާ ވަނީ ސެލީނާ އާއިއެކު ޖަސްޓިން އުޅުނުއިރު ހެއިލީ އާއި ޖަސްޓިންގެ ދެމެދުގައި ރޮމޭންޓިކް ގުޅުމެއް ނެތްކަމަށް ބުނެފައެވެެ.
އޭގެ ދެ ހަފްތާ ފަހުން އޮތް ހައިޕްރޮފައިލް އިވެންޓެއްތެރޭ ސެލީނާ އާއި ހެއިލީ ދިމާވުމުން ދެމީހުން ވަނީ ފުރަތަމަ ފަހަރަށް ފޮޓޯގަނޑަަކަށް ހުއްޓި ފެތުރޭ އަޑުތަކުގައި ފުލުސް ސްޓޮޕް ޖަހާފައެވެެ.
ސެލީނާ އަދި ހެއިލީ ހަތަރު އަހަރުފަހުން ފޮޓޯގަނޑަކަށް އެކީ ހުއްޓުނު ފުރަތަމަ ފަހަރު
ސޯޝަލް މީޑިއާގައި ދައުރުވާ މި ފޮޓޯތަކުން ފެންނަގޮތުން ދެމީހުންގެ ދެމެދުގައި މިހާރު އެއްވެސް ރުޅިވެރިކަމެއް ނެތެވެ. ބައްދާލައިގެން ނަގާފައިވާ ފޮޓޯތަކެއްވެސް ހުރިއިރު އެއްބަޔަކު މި ފޮޓޯތައް ފެނި އުފާކުރިއެވެ. އަނެއްބަޔަކު ބުނަނީ އެއީ ހަމަ ދައްކާލި މަންޒަރެއް ކަމަށެވެ.
