އެމަނިކުފާނު މިހެން ވިދާޅުވީ، މާފަންނު މެދު ދާއިރާގެ މެމްބަރު އިބްރާހިމް ރަޝީދު(ބޮންޑެ) ކުރެއްވި ސުވާލަކަށް ޖަވާބުދެއްވަމުން ނެވެ.
ނަފްސާނީ ބަލީގެ ހާލަތު ރާއްޖޭގައި އެހާ ބޮޑުވެފައިވާއިރު ގުރައިދޫގައި 100 އަށްވުރެ ގިނަ މީހުން އެބަތިބި ކަން ފާހަގަކުރައްވާ، އުމުރުން ދުވަސްވީ މީހުން ބަލަހައްޓުމަށް ޑޭކެއަ ސެންޓަރުތައް ހެދުމުގެ މަަސައްކަތް ކުރެވެމުންދާ ގޮތް ސާފުކޮށްދިނުމަށް މެމްބަރު އެދިވަޑައިގަތެވެ.
ޖަވާބުގައި މިނިސްޓަރު ނަސީމް ވިދާޅުވީ، ޖެންޑަ މިނިސްޓްރީންވެސް އެކަން ވަރަށް ބޮޑަށް ކުރިއަށް ގެންދާ ކަމަށާއި، ނަފްސާނީ ބަލިތަކަށްޓަކައި ހެލްތު މިނިސްޓްރީގައި ވެސް ވަކި ޑިޕާޓުމެންޓެއް ހެދިފައިވާ ކަމަށެވެ.
މިނިސްޓަރު އިތުރަށް ވިދާޅުވީ، ނަފްސާނީ މައްސަލަތަކަކީ ހަމައެކަނި މިނިސްޓްރީއަށް ކުޑަ ކުރެވޭނެ ކަމެއް ނޫން ކަމަށާއި، އެފަަދަ ކަންކަމަކީ ސަރުކާރުގެ ހުރިހާ މުވައްސަސާތަކާއި، އާންމު ރައްޔިތުންގެވެސް އެއްްބާރުލުން ލިބިގެން ކުޑަކުރެވޭނެ މައްސަލަތަކެއް ކަމަށެވެ.
މިނިސްޓަރު ވަނީ ސިޓީ ކައުންސިލުން މަގުތަކުގެ ހާލަތު ރަނގަޅު ނުކުރާތީވެސް ކަންބޮޑުވުން ފާޅުކޮށްފަ އެވެ. ނަފްސާނީ މައްސަލަތައް ރަނގަޅުކުރަން ބަލާއިރު އެއީވެސް ރަނގަޅުކުރަން ޖެހޭ ކަމެއްގެ ގޮތުގައި މިނިސްޓަރު ފާހަގަކުރެއްވި އެވެ.
މިނިސްޓަރު ނަސީމު ވިދާޅުވީ، އެމަނިިކުފާނުގެ އުމުރުގެ މީހުންނަށް މަގުމަތީގައި ހިނގާބިގާވެ އުޅުމަށް މިހާރު ދަތިވާ ވަރަށް މަގުތަކުގެ ހާލަތު ގޯސް ކަމަށާއި، ހިނގާބިގާވެ އުޅުމުގައި ހުރި ދަތިތައްވެސް ހައްލުވާންޖެހޭ ކަމަށެވެ.
މީގެއިތުރުން، ނަފްސާނީ ހާލަތު ރަނގަޅުކުރުމަށް ގާތްގަނޑަށް 25 މުވައްސަސާއެއްގެ އެހީތެރިކަން ބޭނުންވާ ކަން މިނިސްޓަރު ފާހަގަކުރެއްވި އެވެ.
