އުމުރު ނަސީރު އިސްކޮށް ހުންނަވާ ހިންގަވަމުންދާ ދިވެހި ނެޝަނަލް އެކްޝަން (ޑީއެންއޭ) މޫވްމެންޓް އިން ރޭ ބޭއްވި ޖަލްސާގައި ވާހަކަދައްކަވަމުން އުމަރު ވިދާޅުވީ، ގާނޫނަކުން އެ ހިދުމަތް ތައަރާފުކޮށްފިނަމަ 10 އަހަރު ނުވަތަ 15 އަހަރު ފަހުން އެއްލައްކަ ދިވެހީންނަކީ ހަތިޔާރު އުފުލަން ދަންނާނެ ބަޔަކަށްވާނެ ކަމަށެވެ. 

ނަތީޖާއެއްގެ ގޮތުން ރާއްޖެއަށް ހަމަލާދޭން ރާވާ ބޭރުގެ ބަޔަކުވެސް އެކަމާއި މެދު ދެވަނަ ވިސްނުމަކަށް ދާނެ ކަމަށާއި، ރާއްޖެއިންވެސް ހަމަލާގެ ރައްދުދޭނެކަން އެމީހުންންށް އެނގޭނެ ކަމަށެެވެ.

އުމުރު ވިދާޅުވީ، ގައުމެއްގެ މިނިވަންކަން ސަލާމަތްކޮށް ހިފެހެއްޓުމަކީ އާދައިގެ ކުޑަ ކަމެއްނޫން ކަމަށާއި، އެއީ ވަރަށް ބޮޑު ޒިންމާއެއް ކަމަށެވެ.

އެ ޒިންމާ އަންނަން އޮތް ޖީލުތަކުގެ ކޮނޑުގައި އަޅުވާއިރު، ގައުމަށް ހަމަލާއެއް އަތުވެއްޖެ ހާލަތެއްގައި ގައުމުގެ ހިމާޔާތުގައި ނިކުންނާނެފަދަ ޖީލެއް އުފެއްދުމަކީވެސް މުހިންމުކަމެއް ކަމަށް އުމަރު ވިދާޅުވި އެވެ. 

އެފަދަ ޖީލެއް އުފެއްދުމަށް:

• ސްކޫލުތަކުގެ ތެރެއަށް ގައުމިއްޔަތު އިތުރަށް ވައްދަންޖެހޭ ކަމަށް ވިދާޅުވި
• ދިވެހި ގައުމުގެ ދިފާއުގައި ޖިހާދުކުރެއްވި ބަތަލުންގެ ވާހަކަ ސްކޫލުތަކުގައި ކިޔަވައިދޭންޖެހޭ ކަމަށް ވިދާޅުވި
• ހަނގުރާމައިގެ މައިދާނަށް ތައްޔާރުވެފައިވާ ކުދިންތަކެއް ނެރުމަށް ނެޝަނަލް ސާވިސް ތައާރަފް ކުރުން

އުމަރު ވިދާޅުވީ، ދިވެހީންނަކީ ހަނގުރާމަކޮށް ގައުމާއި މިނިވަންކަން ދިފާއުކުރާ ބައެއްކަން ޒުވާން ޖީލުތަކަށް އެނގުން އެއީ ވަރަށް މުހިންމު ކަމެއް ކަމަށެވެ.