އަރަބިއްޔާގެ ޕްރިންސިޕަލް ޝުޖާއު މަގާމުން ދުރުކޮށްފައިވާއިރު، މާދަމާއިން ފެށިގެން އޭނާ މަސައްކަތްކުރާގޮތަށް ހަމަޖައްސާފައިވަނީ ނެޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) ގައެވެ.
އަރަބިއްޔާގެ ބެލެނިވެރިން ބުނިގޮތުން ޝުޖާއު މަގާމުން ވަކިކުރީ އަރަބިއްޔާގެ ބެލެނިވެރިން ކުރިއަށް ގެންދާ ސޭވް އަރަބިއްޔާ ކެމްޕެއިން ހުއްޓުވަން ޝުޖާއު މަސައްކަތް ނުކުރާ ކަމަށް ބުނެ އެވެ. އެއީ އަރަބިއްޔާ އަށް ދެވޭ ވަރަށް ބޮޑު އަނިޔާއެއް ކަމަށާއި ޝުޖާއުގެ މަގާމު އަބުރާ އިއާދަކޮށްދިނުމަށް އަރަބިއްޔާގެ ބެލެނިވެރިން ދަނީ ގޮވާލަމުން ނެވެ.
މިކަމާއި ގުޅިގެން އެޑިއުކޭޝަން މިނިސްޓްރީން މިރޭ ބުނީ، އެބަދަލު ގެނައީ އަރަބިއްޔާ ސްކޫލުގެ ކިޔެވުން އިތުރަށް ހަރުދަނާކޮށް ދަރިވަރުންނަށް އެންމެ ފަހި ގޮތަށް ކަންކަން ރާވައި އިންތިޒާމުކުރުމަށް އިދާރީ ގޮތުން ގެނެވުނު ބަދަލެއްގެ ގޮތުން ކަމަށެވެ.
އިސްކަންދަރު ސްކޫލްގެ ޕްރިންސިޕަލް ހުސައިން ސައީދު
އެބަދަލު ގެނައުމުގައި އަރަބިއްޔާ ބެލެނިވެރިން ހިންގަމުންދާ ކެމްޕެއިނާއި އެއްވެސް ގުޅުމެއް ނެތްކަމަށް މިނިސްޓްރީން ބުންޏެވެ.
މި ބަދަލާއި ގުޅިގެން އަރަބިއްޔާގެ ބެލެނިވެރިން ދަނީ ބޮޑެތި ކަންބޮޑުވުންތަކެއް ފާޅުކުރަމުންނެވެ. އަދި އެ ނިންމުން އިއާދަކުރުމަށް ބެލެނިވެރިން ދަނީ ގޮވާލަމުން ނެވެ.
ބެލެނިވެރިން ބުނަނީ، އިސްކަންދަރު ޕްރިންސިޕަލަށް އަރަބިއްޔާ ހިންގަން ނޭނގޭނެ ކަމަށާއި، މީގެ ކުރިންވެސް މިއުޒިކް ޖަހުވަން މަޖުބޫރުކޮށްގެން ބޮޑު ތަޅާފޮޅުމަކަށް ދިޔަކަން ބެލެނިވެރިން ފާހަގަކުރެ އެވެ.
