އާދިއްތަ ދުވަހު ފެށުނު މިފަހަރުގެ ސަމިޓުގައި ދުނިޔޭގެ 120 އަށްވުރެ ގިނަ ލީޑަރުން ބައިވެރިވެވަޑައިގަންނަވާނެކަމަށް ރިޕޯޓްތައް ބުނެއެވެ. މިސަމިޓް ކުރިއަށްދާނީ މިމަހުގެ 6 އިން 18 ނިޔަލަށެވެ. ސަމިޓުގައި ބައިވެރިވި ދިވެހި ކޮންޓިންޖެންޓް ލީޑު ކުރައްވާނީ ނާއިބު ރައީސް ފައިސަލް ނަސީމެވެ. ކޮޕް-27 އަކީ ރާއްޖޭގެ ދެމެހެއްޓެނިވި ތަރައްގީގެ ޕްލޭންތައް ބައިނަލްއަގްވާމީ މުޖްތަމައާ ހިއްސާ ކުރުމަށް ރާއްޖެއަށް ފަހިވެގެންދާ މުހިންމު ފުރުސަތެކެވެ.

އ.ދގެ ކްލައިމެޓް ޗޭންޖް ކޮންފަރެންސްގައި ހިމެނެނީ ކޮންފަރެންސް އޮފް ދަ ޕާޓީސް (ކޮޕް 27) ގެ 27 ވަނަ ސެޝަނާއި، ކިޔޯޓޯ ޕްރޮޓޮކޯލް (ސީއެމްޕީ 17) ގެ ބައިވެރިންގެ ކޮންފަރެންސް އޮފް ދަ ޕާޓީސްގެ 17 ވަނަ ސެޝަނާއި، ޕެރިސް އެގްރީމެންޓް (ސީއެމްއޭ 4) ގެ ބައިވެރިންގެ ކޮންފަރެންސް އޮފް ދަ ޕާޓީސްގެ ހަތަރު ވަނަ ސެޝަނެވެ.

މި ސަމިޓްގެ އޯޕަނިން ސެރެމަނީގައި އދ.ގެ ކްލައިމެޓް ޗޭންޖްގެ އާ ޗީފް، ސައިމަން ސްޓިއެލް އާއި މިސްރުގެ ފޮރިން މިނިސްޓަރު އަދި ކޮޕް-27ގެ ރައީސް ކަމަށް ކަނޑައެޅުއްވި ސަމެހް ޝައުކްރީގެ ތަޤުރީރުކުރެއްވިއެވެ. މިއަދު އޮންނަ "ވޯލްޑް ލީޑާސް ސަމިޓް"ގައި ގައުމުތަކުގެ ވެރިންނާއި، މަންދޫބުންނަށް، ތަޤުރީރުކުރެއްވުމަށް ފަސް މިނެޓުގެ ދެވޭނެއެވެ.