އޭނާއަށް ފާޑުކިޔުން އަމާޒުވީ އެނާގެ 4.5 ކަރޯޑު ރުޕީޒް (2.92 މިލިއަން ޑޮލަރުގެ) ލަންބަގިނީ ކާރު ދުއްވާ ވީޑިއޯއެއް އޭނާގެ ސޯޝަލް މީޑިއާއަށް ލުމުންނެވެ.
އެ ވީޑިއޯގައި އޭނާގެ ކުރޫގެ ބައެއް މެންބަރުންނާއެކު ކާރު ދުއްވާއިރު، ބައެއް ވެހިކަލްތައް ކައިރިން އޯވަޓޭކްކުރާ މަންޒަރު ވެސް ފެނެއެވެ.
ނަމަވެސް ކާރު ދުއްވާ ސްޕީޑެއް ނުފެނެއެވެ.
"ބާރު ސްޕީޑުގައި ސްޓާރުން ވެސް ކާރު ދުއްވުމަކީ ނުރައްކާތެރިކަމެއް،" ކާތިކް އަށް ފާޑުކީ މީހުންގެ ތެރެއިން މީހަކު ބުންޏެވެ.
ބައެއް މީހުން ކާތިކް އަށް ފަޑުކީ ނަމަވެސް، އެއްބަޔަކު ވަނީ އޭނާއަށް ތައުރީފުކޮށްފައެވެ. އެގޮތުން ބައެއް މީހުން ބުނަނީ އެހާ އަގު ބޮޑު ކާރުގައި ވެސް ފޯނު ހަރުކުރަން އަޅުވާފައި ހުރީ އާދަދިގެ 500 ރުޕީސް އަށް ދޭ ފޯނު ހޯލްޑަރެއް ކަމަަށެވެ.
"ކާތިކް އަކީ ވަރަށް ސާދާ އަދައިގެ ދިރިއުޅުމެއް އުޅެން ލޯބިކުރާ މީހެއް،" އޭނާއަށް ސަޕޯޓުކޮށް ވާހަކަދެއްކި މީހަކު ބުންޏެވެ.
ކާރްތިކް މިހާރު ގުޖުރާތުގައި އުޅެނީ އޭނާގެ ކުރިއަށް އޮތް ފިލްމު "ސަތުޔާޕްރޭމް ކީ ކަތާ" ގެ ޝޫޓިން އަށެވެ. އެ ފިލްމުގައި ކިއާރާ އަދުވާނީ ވެސް ފެނިގެންދާނެއެވެ.
