ހަބަރު /
ކޮވިޑް-19 އަށް ޓެސްޓުކުރަން ސާމްޕަލް ނެގުން --
ސަމާލުވޭ، ކޮވިޑު ކޭސްތައް މައްޗަށް
އަހުމަދު ހަސަން
09 ނޮވެންބަރ 2022 - 11:25:19
ރާއްޖޭގައި އަނެއްކާވެސް ކޮވިޑް ކޭސްތަކުގެ އަދަދު މަތިވަމުންދާތީ އެކަމަށް ސަމާލުވުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އިލްތިމާސްކޮށްފި އެވެ.
އެޗްޕީއޭއިން އާއްމު ކުރި ސްޓެޓިސްޓިކުން ދައްކާ ގޮތުގައި ސެޕްޓެމްބަރު މަހާ އަޅާ ބަލާއިރު މިދިޔަ މަހު ކޭސްތައް ވަނީ 77 އިންސައްތަ އިތުރުވެފަ އެވެ. ސެޕްޓެމްބަރު މަހު 185 ކޮވިޑް ކޭސް ރިޕޯޓްކޮށްފައިވާއިރު މިދިޔަ މަހު އެ އަދަދުވަނީ 328 ކޮވިޑް ކޭސްއަށް އިތުރުވެފައެވެ.
"ކޮވިޑްގެ އާ ވޭރިއެންޓްތައް ވެސް ދުނިޔޭގެ އެކި ހިސާބުތަކުގައި އިތުރުވަމުންދާތީ، ކޮވިޑް-19 އިން ތިމާ އާއި އާއިލާ އަދި މުޖްތަމައު ރައްކާތެރިކުރުމަށް ހުރިހާ ފަރާތްތަކުން ވެސް ރައްކާތެރިކަމުގެ ފިޔަވަޅުތަކަަށް އަބަދުވެސް ސަމާލުވުމަށް އިލްތިމާސް ކުރަމެވެ،"
އެޗްޕީއޭގެ ރަސްމީ މައުލޫމާތު ތަކުން އެނގޭ ގޮތުގައި މިދިޔަ ހަފްތާގެ ނިޔަލަށް 84 މީހަކު ކޮވިޑަށް ޕޮޒިޓިވް ވެފައި އެބަތިއްބެވެ. ރާއްޖޭގައި ކޮވިޑު ޖެހުނު މީހުންގެ އަދަދު 185000 އަށްވުރެ މައްޗަށް އަރާފައިވާއިރު، 308 މީހުންވަނީ ކޮވިޑުގައި ނިޔާވެފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
