ބަންޑުން ޖަހާލާފައިވަނީ ގދ. ފަރެސްމާތޮޑާއިން ފުރައިގެން ހަތަރު މީހުންނާއިއެކު 14 ނމ. ބޭރުން ދަތުރުކުރަމުން ދިޔަ "ލިއޯ ސަކްސަސް"ނަމަކަށް ކިޔާ ލޭންޑިން ކްރާފްޓެކެވެ.
އެމްއެންޑީއެފްއިން ބުނީ، ބަންޑުން ޖަހާލީ ލޭންޑިން ކްރާފްޓުގެ ބެޓެރި ފެއިލްވެ، ދިޔަވުމުގެ ސަބަބުން ކަމަށެވެ.
އޭގެން ދަތުރުކުރި ހަތަރު މީހުންގެ ތެރެއިން ތިން މީހުން ސަލާމަތް ކުރެވިފައިވާއިރު، އެކަކު ވަނީ ގެއްލިފައެވެ.
ގެއްލުނު މީހާ ހޯދުމަށް ސަދަން އޭރިއާ ކޯސްޓްގާޑް ސްކޮޑްރަންއިން މިހާރު ވަނީ ހަރަކާތްތެރިވާން ފަށާފަ އެވެ. ގެއްލިގެން ހޯދަމުންދަނީ ބިދޭސީއެކެވެ.
ފުލުހުން ބުނީ، އެ ކްރާފްޓު ބަންޑުން ޖަހާލާފައިވާ ކަމަށް މައުލޫމާތު ލިބުނީ ގދ. ވާދޫ ކަނޑާއި 12 ނޯޓިކަލް މޭލު ދުރުން މިއަދު 13:25 ހާއިރު ކަމަށެވެ.
އޭގައި ތިބި ހަތަރު މީހުންގެ ތެރެއިން ތިން މީހަކު ސަލާމަތްކޮށްފައިވަނީ ވާދޫގެ ސީވީޑް ނަމަކަށް ކިޔާ ދޯންޏަކުން ކަމަށް ފުލުހުން ބުންޏެވެ.
