އެ ބޭންޑުން އެގޮތަށް އެދުނީ ދެކުނު ކޮރެއާގައި ކޮވިޑް-19 ފެތުރެމުން ދާތީ އެއްވުންތައް ނުބޭއްވުމަށް ސަރުކާރުން އިލްތިމާސް ކުރުމުންނެވެ.
މި ހަފްތާގެ ތެރޭގައި އެ ބޭންޑުގެ ގިނަ ޓީވީ ޝޯތަކެއްގެ ޝޫޓިން އެބަ އޮތެވެ. މިއީ އާ އަލްބަމް "މެޕް އޮފް ދަ ސޯލް: 7" އާ ގުޅިގެން ނަގާ ޝޯތަކެކެވެ.
ފޭން ކުލަބުތަކަށް ފޮނުވި އީމެއިލެއްގައި އެ ބޭންޑުން ބުނެފައި ވަނީ ސްޓޫޑިއޯގައި އޯޑިއެންސެއް ނެތް ނަމަވެސް ޝޫޓިން ކުރިއަށް ދާނެ ކަމަށެވެ.
ޗައިނާއިން އަލަށް ފެނުނު ކޮރޯނާ ވައިރަހުގެ ސަބަބުން ކޮރެއާގައި ހަތް މީހުން ވަނީ މަރުވެފަ އެވެ. އަދި 760 މީހުންނަށް އެގައުމުގައި މި ބަލި ވަނީ ޖެހިފަ އެވެ.
އޭގެ އިތުރުން އަސްކަރިއްޔާގެ 1100 ސިފައިން ކެރެންޓީނުކޮށްފައި ވާއިރު، 11 ސިފައިންގެ މީހަކަށް މި ބަލި ޖެހިފައި ވެއެވެ.
ދުނިޔޭގެ އެކި ކަންކޮޅުތަކުން ބޮޑު ތަރުހީބެއް ލިބިފައިވާ ބީޓީއެސްގެ އެންމެ ފަހުގެ އަލްބަމް އަންނަ ހުކުރު ދުވަހު ޗާޓުތަކުގެ އެއްވަނައަށް އަރާނެ ކަމަށް ވަނީ ލަފާކޮށްފަ އެވެ.
މި ވަގުތު ބީޓީއެސްގެ ބޭންޑު މެމްބަރުން ތިބީ އެމެރިކާގަ އެވެ. އެގޮތުން އެމެރިކާގެ މަގްބޫލު ޖިމީ ފެލަން ޝޯ އާއި ޖޭމްސް ކޯޑެންސް ލޭޓް ނައިޓް ޝޯގައި އެމީހުން ފެނިގެން ދާނެ އެވެ.
