ރޮޒޭނާ މި ލިސްޓު އާންމުކުރެއްވީ "ހަސަން ކުރުސީ" ނަމުގައި ޓުވީޓު ކުރާ މީހާއަށް މިއަދު ރައްދު ދެއްވަމުން ކުރެއްވި ޓުވީޓެއްގައެވެ.
ރޮޒޭނާ ތުހުމަތުކުރައްވާ ގޮތުގައި ހަސަން ކުރުސީގެ ނަމުގައި ޓުވިޓާގައި ޓުވީޓު ކުރައްވަނީ ރައީސް މުހައްމަދު ނަޝީދެވެ.
ހަސަން ކުރުސީ އެކައުންޓުގައި މިއަދު ބުނެފައިވަނީ އެމްޑީޕީ އެތެރޭގައި ދެ ފެކްޝަނެއް އެބައޮތް ކަމަށެވެ. އެގޮތުން ކޮރަޕްޝަނާއި ދުރު ފެކްޝަން ހިންގަވަނީ ރައީސް މުހައްމަދު ނަޝީދު ކަމަށެވެ. އަދި ރައީސް އިބްރާހިމް މުހައްމަދު ސާލިހު އެމްޑީޕީގައި ހިންގަވާ ފެކްޝަނުގެ ޗިއާ ލީޑަރީ ރޮޒޭނާ ކަމަށެވެ.
ހަސަން ކުރުސީއަށް ރައްދު ދެއްވަމުން ރޮޒޭނާ ވަނީ ރައީސް މުހައްމަދު ނަޝީދުގެ ވެރިކަމުގައި ރަށްތައް ބިޑަކާއި ނުލައި ރަހުމަތްތެރިންނަށް ބަހާލާފައިވާކަމަށް ވިދާޅުވެ ލިސްޓެއްވެސް އާންމުކުރައްވާފައެވެ.
ރޮޒޭނާގެ ލިސްޓުގައި ރައީސް ނަޝީދުގެ ވެރިކަމުގައި ދޫކޮށްފައިވާ ތަފާތު ރަށްރަށާއި އެ ރަށްރަށުގައި ކުރާ މަސައްކަތްވެސް ވަނީ ހިމަނުއްވާފައެވެ. ނަމަވެސް އެތަންތަން ހިންގަނީ ރައީސް ނަޝީދުގެ ކޮން ރަހުމަތްތެރިންނެއްކަމެއް ހާމައެއް ނުކުރައްވައެވެ.
މި ލިސްޓާ ގުޅޭގޮތުން ރައީސް ނަޝީދު އަދި ރަސްމީކޮށް އެއްވެސް އެއްޗެއް ވިދާޅެއްނުވެއެވެ.
