ކަރަންޖޯހަރު ބޭއްވި ޕާޓީއަކީ ބޮލީވުޑުގެ މަޝްހޫރު މީހުންނަށް ރޭގަނޑުގެ ނާސްތާ ދިނުމުގެ މަގުސަދުގައި ބޭއްވި ޕާޓީއެކެވެ.
އެ ޕާޓީ އޮތީވެސް އޭނާގެ އަމިއްލަ ރެސްޓޯރަންޓުގައެވެ. ރެސްޓޯރަންޓުން ބޮލީވުޑުގެ ތަރިން ނުކުތް އިރު ވެސް ޕަޕަރަޒީ ނޫސްވެރިން ތިބީ ފޮޓޯނަގަން ތައްޔާރަށެވެ.
އެގޮތުން ސީމާ ނުކުމެ ފޮޓޯނަގާތީ ހުއްޓިލިއިރު ދެކޮޅަށް ކިރޭތަން ވެސް ޕަޕަރާޒީން ވަނީ ފޮޓޯ އަދި ވީޑިއޯ ނަގާފައެވެ.
ސީމާ ސާޖިދު ކަރަން ޖޯހަރުގެ ޕާޓީން ނުކުންނަނީ
އެޕާޓީން ސީމާ ނުކުތްއިރު އޭނާ މަސްތުވެގެން ހުރިކަމަށް ބުނެ ބައެއް މީހުން ބުނަނީ "ބޮއެގެން ގެއަށް ދަނީތޯ؟" ސުވާލުކޮށްފައެވެ.
އަނެއްބަޔަކު ބުނަނީ "ރަހުމަތްތެރިންނާ އެކު މަޖާކުރުމުގެ ފުރުސަތު އަންހެނުންނަށް ވެސް އޮންނަން ވާނެ،" ކަމަށެވެ.
ސީމާ އާއި އޭނާގެ ކުރީގެ ފިރިމީހާ ސޮހައިލް އަދި ދެ ދަރިން
ސީމާ އަކީ ސަލްމާން ހާންގެ ބޭބެ ސޮހަލިހް ހާން ގެ ކުރީގެ އަނބިމީހާއެވެ. އެމީހުންގެ ކައިވެނި ރޫޅުނުއިރު ދެ ފިރިހެން ދަރިން ތިއްބެވެ. ނަމަވެސް ދެމީހުން ގެންދަނީ ދަރިން ބެލުމުގެ މަސްއޫލިއްޔަތު ބާހާލައިގެން އަދާކުރަމުންނެވެ. އެމީހުންގެ ދަރިންނަކީ ނިރުވާން ހާން އަދި ޔޯހާން ހާން އެވެ.
