ބްރޭންޑުގައި ހެދި އިޝްތިހާރެއްގައި ކުޑަކުދިންގެ "ޕޯން" ޕްރޮމޯޓް ކުރާގޮތައް އިޝްތިހާރު ނެގި ޓީމު ވެސް ވަނީ ވަރަށް ބޮޑަށް ހޫނުފެނަށް ވެއްޓިފައެވެ.
މައްސަލަ ބޮޑުވެފައިވަނީ އެ ބްރޭންޑުން ނެރުނު އިޝްތިހާރެއްގައި ކުޑަކުދިން އުޅެފައި އެ ކުދިންގެ ފަހަތުން ފެންނަ ޕޯސްޓަރެއްގައި "ވާޗުއަލް ޗައިޑް ޕޯން" ލިޔެފައި އޮތުމުންނެވެ.
ބެލެންސިއާގާ ހޫނުފެނަށް ވެއްޓުނު އިޝްތިހާރުގެ މަންޒަރުތަކެއް
ބެލެންސިއާގާ ބްރޭންޑުން ވަނީ އެންމެފަހުން މައާފަށް ވެސް އެދިފައެވެ. އަދި ހަޑިމުޑުދާރު އަމަލު ހިންގި މީހުންނާމެދު ގާނޫނީ ފިޔަވަޅު ވެސް އަޅާނެކަމަށް ބުނެފައެވެ. ވީޑިއޯ ހެދި މީހުން އަތުން 25 މިލިއަން ޑޮލަރު ހޯދަން ކޯޓަށް ދާނެކަމަށް ވެސް އެ ބްރޭންޑުން ބުނެއެވެ.
ކިމް ކާޑޭޝިއަން
މި ބްރޭންޑާއި ގާތް ގުޅުމެއް އޮންނަ ފެޝަން އައިކަން ކިމް ކާޑޭޝިއަން ވެސް ވަނީ ކަންބޮޑުވުން ފާޅުކޮށްފައެވެ. އޭނާ ބުނެފައިވަނީ "ކުޑަކުދިންގެ ހައްގުތައް ގެއްލޭގޮތައް ކުރާ އެއްވެސް ކަމަކަށް" އޭނާގެ ތަރުހީބެއް ނޯންނާނެ ކަމަށެވެ. އަދި ހަތަރު ކުޑަކުދިންގެ މަންމައެއްގެ ހައިސިއްޔަތުން ކަންބޮޑުވާކަމެއް ކަމަށެވެ.
ބެލެންސިއާގާ އަކީ ފްރާންސްގެ ބްރޭންޑެކެވެ. މި ބްރޭންޑުން ފައިވާނާއި އަތް ދަބަސް ފަދަ ތަކެތި އުފައްދައެވެ.
