ސްޓެލްކޯ އިން މިއަދު ކޮށްފައިވާ އިއުލާނެއްގައި ބުނެފައިވަނީ، މާލޭގެ ކަރަންޓުގެ ވިއުގަ އަޕްގްރޭޑް ކުރުމަށް ކޮންމެހެން ކުރަންޖެހޭ މަސައްކަތެއް ކުރުމަށް މާދަމާ ގެ ހެނދުނު 10:00 އިން 12:00 އަށް މާފަންނުގެ އިއްޒުއްދީން މަގާއި، މަޖީދީމަގު އަދި އިރާމާ މަގުގެ އިތުރުން ހަނދުވަރީ ހިނގުމުން ކަރަންޓުގެ ހިދުމަތް މެދުކެނޑުކަމީ އެކަށީގެންވާ ކަމެއް ކަމަށެވެ.
މީގެ އިތުރުން ހުޅުމާލޭ ދެވަނަ ފިޔަވަހީގެ ކަރަންޓު ވިއުގަ އަޕްގްރޭޑް ކުރުމަށްޓަކައި ކޮންމެހެން ކުރަން ޖެހޭ މަސަައްކަތެއް ކުރުމަށް މާދަމާ ހެނދުނު 8:00 އިން 12:00 އަށް ސްޓެލްކޯގެ ފްލެޓް ހުންނަ ސަރަަހައްދުން ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށްވެސް ސްޓެލްކޯ އިން ކޮށްފައިވާ އިއުލާނުގައި ވަނީ ބުނެފަ އެވެ.
ސްޓެލްކޯ އިން މި ސަރަހައްދު ތަކުގައި ކުރަން ހަމަޖެހިފައިވާ މަސައްކަތް ނިމުނު ހާ އަވަހަކަށް އަލުން ކަރަންޓުގެ ހިދުމަތް ދޭނެ ކަމަށާއި، ކަރަންޓުގެ ހިދުމަތް މެދުކެނޑުމާއި ގުޅިގެން ދިމާވެދާނެ ދަތިތަކަށް އެ ކުންފުނިން ވަނީ ރައްޔިތުންގެ ކިބައިން މާފަށް އެދިފަ އެވެ.
ސްޓެލްކޯ އިން ދަނީ މާލެ އާއި ހުޅުމާލޭގެ ކަރަންޓުގެ ހިދުމަތް އަޕްގްރޭޑް ކުރުމުގެ ގޮތުން ގިނަ މަސައްކަތްތަކެއް ކުރަމުން ކަން ފާހަގަ ކޮށްލެވެ އެވެ.
