އިންޑިއާގެ "ގޮޓް ޓެލެންޓް" ފަދަ ބައެއް ޝޯތަކުގެ ޖަޖެއްގެ މަގާމު ވެސް އޭނާ ވަނީ އަދާކޮށްފަ އެވެ. މިހާރު އޭނާ އަންނަނީ “މޫވިންގް އިން ވިތު މަލައިކާގެ" ނަމުގައި ޝޯއެއް ގެނެސްދެމުންނެވެ. އެއީ ޑިޒްނީ+ހޮޓްސްޓާ އިން ދައްކާ ޝޯއެކެވެ. އެ ޝޯއަށް ގިނަ ބަޔަކު އަންނަނީ އިންތިޒާރު ކުރަމުންނެވެ.
މަލައިކާ ޝޯއަށް ތައްޔާރުވަމުން އަންނައިރު އޭނާގެ ބެސްޓީ ކަރީނާ ކަޕޫރު ޚާން އޭނާއަށް ހާއްސަ ނަސޭހަތެއް ވަނީ ދީފައެވެ. އަމިއްލަ ޓޯކް ޝޯއެއް ހޯސްޓްކޮށްފައިވާ އެކްޓަރު ބުނީ މަލައިކާ ތަންކޮޅެއް ބޮޑަށް ހަމެޖެހިލަން އަދި ގަޓުވާން އެބަޖެހޭކަމަށެވެ.
ކަރީނާ އަދި މަލައިކާ
ދާދި ފަހުން ދިން އިންޓަވިއުއެއްގައި ކަރީނާ ކަޕޫރު ބުނީ މަލައިކާ އަރޯރާ އަކީ ވަރަށް ބޮޑަށް ކަންކަމާ އަބަދުވެސް ސަމާލުވެ ހުންނަ މީހެއް ކަމުން އެ ސަމާލުކަން ދޫކޮށްލާފައި އުފާވެރިކަން ގެންނަން އެބަޖެހޭ ކަމަށެވެ. ކަރީނާ ބުނީ ކުޑަކޮށް ހުޅުވާލާފައި އޭނާއަކީ ކާކުކަން އެންމެންނަށް އެނގޭނެ ކަމަށެވެ.
މަލައިކާގެ ޝޯގެ އެންމެ ފަހުގެ ޕްރޮމޯގައި ކަރީނާ ކަޕޫރު އާއި ފަރާ މަލައިކާ އަރޯރާއާއެކު ފެނިގެންދެއެވެ.
ދާދި ފަހުން މަލައިކާ އާއި އަރްޖުން ކަޕޫރާއެކު ދަރިއަކު ލިބެން އުޅޭކަމަށް އަޑުތައް ފެތުރުނެވެ. ނަމަވެސް ދެ އެކްޓަރުން ސޯޝަލް މީޑިއާގައި އެ ހަބަރު ދޮގުކުރިއެވެ.
