ފީފާ ވޯލްޑްކަޕް 2022 އާ ދިމާކޮށް މިދިޔަ އޮކްޓޯބަރ މަހުގެ 24 ވަނަ ދުވަހު ފެށި މި ޕްރޮމޯޝަނަކީ ވޯލްޑްކަޕް ދުވަސްވަރު އީ-ޓުކުރިން ވިޔަފާރި ކުރާ ފަރާތްތަކަށް ބައިވެރިވެވޭ ގޮތަށް ކުރިއަށްގެންދާ ޕްރޮމޯޝަނެކެވެ.
މި ޕްރޮމޯޝަނުގައި ބައިވެރިވުމަށް ޕްރޮމޯޝަން ކުރިއަށްދާ މުއްދަތުގައި އީ-ޓުކުރި ލޯކަލް ނުވަތަ އީ-ޓުކުރި އިންޓަނޭޝަލް އިން ވިޔަފާރި ކުރުމާ އެކު އީ-ޓުކުރީ ގެ އިންސްޓަގްރާމް އާއި ޓިކްޓޮކް އެކައުންޓް ފޮލޯކޮށް ޕްރޮމޯޝަނަށް ހާއްސަ ޕޯސްޓަށް ލައިކް ކުރުމާ އެކު ޝެއާ ކުރަންޖެހޭނެ އެވެ. ޕްރައިވެޓް އެކައުންޓުތައް ގެންގުޅޭ ފަރާތްތަކުން ޝެއާ ކުރާ ސްޓޯރީގެ ސްކްރީން ޝޮޓެއް ފޮނުވަން ޖެހޭނެ ކަމަށް ވެސް އީ-ޓުކުރިން ވަނީ ފާހަގަކޮށްފައެވެ.
އީ-ޓުކުރި ލޯކަލް އަކީ ރާއްޖޭގައި ހަރަކާތްތެރިވާ ކުދި އަދި މެދު ފަންތީގެ ވިޔަފާރިވެރިން ތައްޔާރުކުރާ ތަކެތި ގަނެ ވިއްކުމަށް ހާއްސަ ކޮށްފައިވާ ޕްލެޓްފޯމެކެވެ. އީ-ޓުކުރި ލޯކަލް އިން ވިޔަފާރި ކުރެވޭނީ shop.etukuri.mv އަށް ރެޖިސްޓަރީ ވެގެންނެވެ. ރެޖިސްޓަރީ ވުމަށް ފަހު ގަންނަން ބޭނުންވާ އެއްޗެއް ހިޔާރު ކުރުމާ އެކު ފޮނުވަންވީ ތަން ޖެހުމަށް ފަހު އޮންލައިން ގޭޓްވޭ މެދުވެރިކޮށް ފައިސާ ދެއްކުމުން ވިޔަފާރި ކުރެވުނީ އެވެ. ރާއްޖޭގެ ކޮންމެ ރަށެއްގައި ހުރި ނަމަވެސް އީ-ޓުކުރީގެ ފަރާތުން ހިދުމަތް ފޯރުކޮށްދޭނެއެވެ.
އީ-ޓުކުރި އިންޓަނޭޝަލް އިން ވިޔަފާރި ކުރެވޭނީ int.etukuri.mv އަށް ރެޖިސްޓަރީ ވެގެންނެވެ. އީ-ޓުކުރި އިންޓަނޭޝަނަލް މެދުވެރިކޮށް އެމެރިކާގެ ނަން މަޝްހޫރު ފިހާރަތަކުންނާއި ސައިޓުތަކުން ވިޔަފާރި ކުރެވޭނެ އެވެ.
އީ-ޓުކުރިން ކުރިޔަށް ގެންދާ މި ޕްރޮމޯޝަނުން ހޮވޭ ފަރާތަކަށް ލިބޭ 1000 ޑޮލަރުގެ ފީފާ ވޯލްޑްކަޕް އޮތެންޓިކް ގިފްޓް ޕެކް ގައި ހަތަރު ޤައުމެއްގެ އެޑިޑާސް އޮތެންޓިކް ޖާޒީތައް ހިމެނެއެވެ. ހަމަ އެހެންމެ އެޑިޑާސްގެ އޮތެންޓިކް ވޯލްޑް ކަޕް ބޯޅަ ކަމަށްވާ އަލް ރިޙްލާ ގެ ތިން ބޯޅަ ވެސް އެ ޕެކް ގައި ހިމެނެ އެވެ.
