މި ފަހަރުގެ ވޯލްޑްކަޕަށް ޕޯޗުފަލް ޓީމު ދިޔައިރުން ފެށިގެން ކަހަލަ ގޮތަކަށް ރޮނާލްޑޯއާ ގުޅޭ އެކި މައްސަލަތަކުގެ ތެރޭގައެވެ. މި ފަހަރު މައްސަލަ ޖެހުނީ، ރޮނާލްޑޯ އޭނާގެ ޕާސަނަލް މެނޭޖަރު ޕޯޗުގަލް ޓީމުގެ ކޭމްޕަަށް ގެނައުމުން ކަމަށް ރިޕޯޓްތައް ބުނެއެވެ.
މީގެ ކުރިން ޕޯޗުގަލް ދެވަނަ ބުރުގައި ކުޅުނު މެޗުގައި ރޮނާލްޑޯ ފުރަތަމަ 11 ގައި ނުހިމަނައިގެން އޭނާ އެކަމާ ބޮޑާހާކާ ގަތަރުން ފުރައިގެން ދާން އުޅުނު ކަމަށްވެސް ބައެއް ރިޕޯޓްތައް ބުންޏެވެ. އެހެންނަމަވެސް ޕޯޗުގަލް ފުޓްބޯޅަ ފެޑެރޭޝަނުން ފަހުންވަނީ އެކަން ދޮގުކޮށްފައެވެ.
ޕޯޗުގަލް ޓީމު ގަތަރުގައި ތިއްބާ ރޮނާލްޑޯގެ މައްސަލަ އެންމެ ފުރަތަމަ މީޑިއާއަށް ތިލަވީ، މުބާރާތަށް އައުމުގެ ކުރިން މެންޗެސްޓާ ޔުނައިޓެޑާ ގުޅޭ ގޮތުން ދިން އިންޓަވިޔުއަކާ ގުޅިގެން ޔުނައިޓެޑުން ރޮނާލްޑޯގެ ކޮންޓްރެކްޓް ބާތިލު ކުރި ހިސާބުންނެވެ.
މުބާރާތުގެ ކުއާޓާ ފައިނަލްުގައި ޕޯޗުގަލް މާދަމާރޭ މޮރޮކޯއާ ދެކޮޅަށް ކުޅޭއިރު ރޮނާލްޑޯ ފުރަތަމަ އެގާރައިގައި ހިމެނޭނެ ކަމާމެދު ވަނީ ސުވާލު އުފެދިފައެވެ. ސްވިޓްޒަލަންޑާ ޕޯޗުގަލް ދެވަނަ ބުރުގައި ކުޅުނު މެޗުގެ ކުރިން ޕޯޗުގަލްގެ ނޫހަކުންވަނީ ރޮނާލްޑޯ ޓީމުގައި ހިމަނާނެތޯ ބެލުމަށް ވޯޓެއް ނަގާފައެވެ. އެ ވޯޓުގައި 70 ޕަސެންޓް މީހުން ބުނެފައިވަނީ ރޮނާލްޑޯ ޓީމުގައި ހިމަނަން ނުފެންނަ ކަމަށެވެ.
