މަރު ކޮމިޝަންގެ މެންބަރު މިސްބާހު އައްބާސްގެ މައްޗަށް އަބުރުގެ ދައުވާ ކުރަން ކުރީގެ ރައީސް އަބްދުﷲ ޔާމީން ނިންމަވައިފި އެވެ.
Advertisement
މަރު ކޮމިޝަންގެ މެންބަރު މިސްބާހު އައްބާސްގެ މައްޗަށް އަބުރުގެ ދައުވާ ކުރަން ކުރީގެ ރައީސް އަބްދުﷲ ޔާމީން ނިންމެވިކަން ހާމަ ކުރެއްވީ އެ މަނިކުފާނުގެ ވަކީލުންގެ ފަރާތުން ރޭ ނެރުނު ނޫސް ބަޔާނެއްގައެވެ.
ޔާމީންގެ ފަރާތުން މިސްބާހާ ދެކޮޅަށް އަބުރުގެ ދައުވާ ކުރަން ނިންމީ ރިލްވާން ގެއްލުވާލި މައްސަލައިގައި ހިމެނޭ ތ. އޮމަދޫ، މުހައްމަދު މުނާޒް ޔާމީނާ ބައްދަލު ކުރެއްވި ކަމަށް، މަރު ކޮމިޝަންގެ ޕްރެސް ކޮންފަރެންސްގައި މިސްބާހު ވިދާޅުވުމާއި ގުޅިގެންނެވެ.
"އަޅުގަނޑުމެންގެ މުވައްކިލު [ރައީސް ޔާމީން] އަކީ ކުރިއަށް އޮތް 203 ވަނަ އަހަރު ބޭއްވުމަށް ހަމަޖެހިފައިވާ ރިޔާސީ އިންތިހާބުގައި ޕްރޮގްރެސިވް ޕާޓީ އޮފް މޯލްޑިވްސްގެ ފަރާތުން ވާދަކުރާ ރިޔާސީ ކެންޑިޑޭޓް ކަމަށްވާއިރު މިފަދަ ޖިނާއީ ބޮޑު ކުށެއް ތަހުގީގު ކުުރުމުގެ ޒިންމާ މަތިކުރެވިފައިވާ ކޮމިޝަނެއްގެ މެންބަރެއްގެ ގޮތުގައި ހުރެ އަޅުގަނޑުމެންގެ މުވައްކިލާ ގުޅޭގޮތުން މިފަދަ އަސްލެއް ނެތް ވާހަކަތަކެއް ބުނި ބުންޏަށް ދެއްކުމަކީ ވަކި ފަރާތަކަސް ސިޔާސީ މަންފާ ހޯދައިދިނުމުގެ ގޮތުން އަޅުގަނޑުގެ މުވައްކިލުގެ އަބުރު ކަތިލައި ރައްޔިތުންގެ މެދުގައި އެމަނިކުފާނަށް އޮތް މަގުބޫލުކަން ކުޑަކުރުމަށްޓަކައި ދުރާލާ ރާވައިގެން މިސްބާހް އައްބާސް ހިންގާފައިވާ ވަރަށް ދަށްފަންތީގެ ސިޔާސީ ސްޓަންޓެއް ކަމަށް ދެކެމެވެ،"
ރިލްވާން މަރަން ކަންތައް ކުރި ގޮތާއި ޝާމިލްވި މީހުން، އޭނާ ނުހިމެނޭ ގޮތަށް މުނާޒް ޔާމީނަށް ކިޔައި ދީފައިވާ ކަމަށް ތަހުގީގަށް ހޯދާފައިވާ ކަމަށްވެސް ވިދާޅުވިއެވެ މުނާޒް ސީރިއާއަށް ފޮނުވީ ވެސް ޔާމީން ކަމަށް ތުހުމަތު ކޮށްފައިވެ އެވެ. އޭނާ މިހާރު ވަނީ ސީރިއާގައި ހަނގުރާމަ ކުރަނިކޮށް މަރުވެފައި ކަމަށްވެސް ވަނީ ވިދާޅުވެފައެވެ.
