Advertisement

ކުރިން މި ލިސްޓު ކަނޑައަޅުއްވާފައި ވަނީ ދިވެހި ރާއްޖޭގެ ތިމާވެށި ރައްކާތެރިކޮށް ދެމެހެއްޓުމާ ބެހޭ ޤާނޫނުގެ ދަށުންނެވެ. ނަމަވެސް ކުނިމެނޭޖްކުރުމުގެ ޤާނޫނަށް އަމަލުކުރަން ފެށުމާއެކު (ގާނޫނު ނަމްބަރު:4/1993)ގެ 8-1 ވަނަ މާއްދާ އުވިގެން ދިއުމާގުޅިގެން އަލުން އެ ލިސްޓު ރައީސް އިބްރާހިމް މުހައްމަދު ސޯލިހް ކަނޑައެޅުއްވީ އެވެ.

ޕްލާސްޓިކުން ތައްޔާރުކޮށްފައި ހުންނަ އެއްޗެތީގެ ތެރެއިން ތިމާވެެއްޓަށް ގެއްލުންދޭ 13 ބާވަތެއް، މި ލިސްޓުގައި ބަޔާންކޮށްފައިވާއިރު، އިއްޔެ އިން ފެށިގެން އެތަކެތި ރާއްޖޭގައި އުފެއްދުމާއި ބާޒާރަށް ނެރުން މަނާކަމުގައި މި ގަރާރުގައި ވެއެވެ.

މިގޮތުން އިއްޔެއިން ފެށިގެން ރާއްޖޭގައި އުފައްދާ އަދި ބޭނުން ކުރާ 500 އަށްވުރެ ކުޑަ މިލިލީޓަރުގެ ކުދި ޕްލާސްޓިކު ފެންފުޅި އުފެއްދުމާއި ބޭނުން ކުރުން މި ގަރާރުން ވަނީ މަނާކޮށްފަ އެވެ.

ގަރާރުން މަނާކޮށްފައިވާ 13 ބާވަތުގެ ޕްލާސްޓިކް ތަކެތި:

ކާބޯތަކެތި ބަންދު ކުރާ ސްޓައިރޮފޯމް ފޮށި 

1. 30 ސެންޓިމީޓަރަށްވުރެ ކުދި ޕްލާސްޓިކު ކޮތަޅު 
2. ބާޒާރު ކުރަން ބޭނުން ކުރާ 50 މައިކްރޯނަށްވުރެ ތުނި ކޮތަޅު
3. ޕްލާސްޓިކުގައި ބަންދުކޮށްފައި ހުންނަ އިމްޕޯޓް ކުރާ ސުޕާރި 
4. 50 މިލިލީޓަރާއި 50 މިލިލީޓަރަށް ވުރެ ކުދި ޝޭމްޕޫ، ސައިބޯނި، ކޮންޑިޝަނަ އަދި ލޯޝަން 
5. 50 މިލިލީޓަރުން ފެށިގެން 200 މިލިލީޓަރާއި ހަމަޔަށް ހިމެނޭ، ޕްލާސްޓިކްގައި ބަންދުކޮށްފައި ހުންނަ ކުދި ޝޭމްޕޫ، ސައިބޯނި، ކޮންޑިޝަނަ އަދި ލޯޝަން 
6. ރާއްޖޭގައި އުފައްދާ 500 އެމްއެލަށް ވުރެ ކުދި ޕްލާސްޓިކު ފުޅީގައި ބަންދުކޮށްފައި ހުންނަ ފެން 
7. ރާއްޖޭގައި އުފައްދާ އަދި ބޭނުންކުރާ 1 ލީޓަރާއި، 1 ލީޓަރަށްވުރެ ކުދި ޕްލާސްޓިކް ފުޅީގައި ބަންދުކޮށްފައި ހުންނަ ފެން
8. ރާއްޖޭގައި އުފައްދާ އަދި ބޭނުންކުރާ 500 މިލިލީޓަރަށް ވުރެ ކުދި ޕްލާސްޓިކު ފުޅީގައި ބަންދުކޮށްފައި ހުންނަ އެހެނިހެން ދިޔާތަކެތި
9. ޕްލާސްޓިކް ދަނޑިކޮޅު ލައްވާފައިވާ ކަފަބުރު
10. ކާބޯތަކެތި ބަންދު ކުރާ ސްޓައިރޮފޯމް ފޮށި
11. 250 މިލިލީޓަރަށް ވުރެ ކުޑަ އެއްފަހަރު ބޭނުންކޮށްފައި އުކާލައި ދިޔާތަކެތި ބުއިމަށް ބޭނުންކުރާ ތަށި
12. ދިޔާތަކެތި ބުއިމަށް ބޭނުންކުރާ، އެއްފަހަރު ބޭނުންކޮށްފައި އުކާލާ ޕްލާސްޓިކު ހޮޅި
13. ޕްލާސްޓިކު ކާ ތަށި، ސަމުސާ، ވަޅި، އޫ އަދި ދިޔާ ތަކެތި ގިރުމަށް ބޭނުން ކުރާ ދަނޑިކޮޅު

މިގާނޫނުގެ ދަށުން މިހާރު ވަނީ ޕްލާސްޓިކް ކޮތަޅުން ލެވީ ނެގުމުގެ ބިލުވެސް ރައީސް ތަސްދީގުކުރައްވާފައެވެ. އަންނަ އެޕްރީލް މަހުން ފެށިގެން ޕްލާސްޓިކް ކޮތަޅުން ދެ ރުފިޔާގެ މަގުން ލެވީ ނަގާނެ އެވެ. އަދި އެގޮތަށް އަމަލުނުކުރާ ވިޔަފާރިތައް 50،000 އަދަދަކުން ޖޫރިމަނާ ކުރުމުގެ ބާރު އަލަށް ތަސްދީގުކުރެވުނު ގާނޫނުން ވަނީ ދީފައެވެ.