އެޗްޑީސީން ބުނީ ގަރާޖުތައް ރައްކާތެރި ސަރަަހައްދުތަކަށް ބަދަލުކުރުމުގެ ގޮތުން ކުރެވޭ މަސައްކަތުގައި ހުޅުމާލޭން 23 ބިން ކުއްޔަށް ދޫކުރުމަށް ނިންމާފައިވާ ކަމަށާއި މާލޭގައި ހުރި 1،000 އަކަފޫޓަށްވުރެ ކުދި ގަރާޖުތަކަށް ހުޅުމާލޭން 1،000 އަކަފޫޓުގެ ބިން ދޫކުރާނެ ކަމަށެވެ. އަދި މާލޭގައި ހުރި 1،000 އަކަފޫޓަށްވުރެ ބޮޑެތި ގަރާޖުތަކަށް 1،300 އަކަފޫޓުގެ ބިން ހުޅުމާލެއިން ދޫކުރާނެކަމަށް ވެސް އެޗްޑީސީން ބުނެ އެވެ.
ގަރާޖު ހެދުމަށް ދޫކުރާ ގަރާޖު ޔުނިޓުތައް ދެ ފަންގިފިލައަށް ތަރައްގީ ކުރެވޭނެކަމަށާއި ގަރާޖުތަކާއި ވޯކްޝޮޕްތައް ތަރައްގީ ކުރަންޖެހޭނީ އެކަމަށް އެކުލަވާލާފައިވާ ގައިޑްލައިނާއެއް ގޮތަށް ކަމަށް އެޗްޑީސީން ބުނެ އެވެ
ގަރާޖު ހެދުމަށް ދޫކުރާ ބިންތައް ކުއްޔަށް ހިފުމަށް ކުރިމަތިލުމުގެ ސުންގަޑި އަކީ މި ފެށޭ ޖަނަވަރީ މަހުގެ ދޭއް ވާ ހޯމަ ދުވަހުގެ 14:00 ގައެވެ.
