އުލިގަމު——
9 އަހަރުގެ ކުއްޖެއް ބޮލަށް ގޯލު ޕޯސްޓެއް ވެއްޓި މަރު ވެއްޖެ
ހޮސްޕިޓަލަށް ގެންދިޔައިރުވެސް ނޭފަތުންނާއި ކަންފަތުން އަދި އަނގައިން ލޭ އާދޭ
ފާތިމަތު އަހްމަދު ޝަރީފް
24 ޑިސެމްބަރ 2022 - 19:20:56
ހއ. އުލިގަމު ފުޓްސަލް ދަނޑުގައި ކުޅެން އުޅުނު ނުވަ އަހަރުގެ ކުއްޖެއް ބޮލަށް ގޯލު ޕޯސްޓެއް ވެއްޓިގެން ފަރުވާދެމުންދަނިކޮށް ނިޔާވެއްޖެ އެވެ.
ފުލުހުން ބުނިގޮތުން އެކުއްޖާގެ ބޮލަށް ގޯލު ޕޯސްޓެއް ވެއްޓިގެން ރިޕޯޓުކޮށްފައިވަނީ މިއަދު ހަވީރު 17:50 ހާއިރު އެވެ.
އެކުއްޖާއަށް އުލިގަމު ހެލްތު ސެންޓްރުގައި ފަރުވާދެމުންދަނިކޮށް ދާދި ދެންމެއަކު ނިޔާވެފައިވާ ކަމަށް ފުލުހުން ބުންޏެވެ.
އެރަށުން ”ސީއެންއެމް“ އާއި ވާހަކަ ދެއްކި މީހަކު ބުނިގޮތުގައި ގޯލު ޕޯސްޓު ވެއްޓުނީ، ފުންމާ ގޯލު ދަނޑީގައި ހިފާ ހަދަމުން ދަނިކޮށެވެ. ކުދިންތަކަކާއިއެކު އެގޮތަށް ކުޅެމުންދަނިކޮށް ގޯލު ޕޯސްޓު ވެއްޓި ޖެހުނީ ސީދާ ކުއްޖާގެ ފުއްކިބައިގަ އެވެ. ކުއްޖާ ހޮސްޕިޓަލަށް ގެންދިއުމަށް ނެނގިއިރު ވެސް ނޭފަތުންނާއި، ކަންފަތުން އަދި އަނގައިން ލޭ ފައިބަމުންދިޔަ ކަމަށް ކުއްޖާ ނެނގި މީހުންނާއި ހަވާލާދީ އޭނާ ބުންޏެވެ.
ސީއެންއެމް އަށް އެނގިފައިވާގޮތުން އެ ގޯލު ޕޯސްޓަކީ ފުދޭވަރަކަށް ބަރު ގޯލު ޕޯސްޓެކެވެ.
56%
ކަމުގޮސްފި
0%
އަޑުއެހިތާ މިހުރީ
33%
ސަތޭކައަކުން ސުމެއް
11%
ވަރަށް ސަލާމް
ކޮމެންޓްސް
