މިރޭ ސައީދު ހައްޔަރުކުރަނީ
އިދިކޮޅު އިހްތިޖާޖްގެ ތެރެއިން މެމްބަރު ސައީދު އާއިއެކު 17 މީހަކު ހައްޔަރުކޮށްފި
އަހުމަދު ހައިދަރު އިބްރާހިމް
28 ޑިސެމްބަރ 2022 - 00:13:53
ކުރީގެ ރައީސް އަބްދުﷲ ޔާމީން މިނިވަން ކުރުމަށް ގޮވާލާ އިދިކޮޅު ކޯލިޝަނުން ކުރިއަށްގެންދާ ސިލްސިލާ އިހްތިޖާޖްތަކުގެ ތެރެއިން މިރޭ މާވަށު ދާއިރާގެ މެމްބަރު މުހައްމަދު ސައީދު އާއިއެކު 17 މީހަކު ހައްޔަރުކޮށްފިއެވެ.
ވ އާރަށް ކުއްޔަށް ދިނުމުގައި ރިޝްވަރު ހިއްޕެވުމާއި މަނީލޯންޑްރިން ހިންގެވުމުގެ ކުށުގައި ފަސް މިލިއަން ޑޮލަރުން ޖޫރިމަނާކޮށް 11 އަހަރު ދުވަހަށް ޖަލަށް ލުމަށް ރައީސް ޔާމީންގެ މައްޗަށް ކުރިމިނަލް ކޯޓުން ހުކުމް ކޮށްފައިވަނީ އާދީއްތަ ދުވަހުއެވެ.
އެއާއެކު އެހުކުމް ބަލައި ނުގަންނަކަމަށް ބުނެ އިދިކޮޅު ކޯލިޝަނުން އަންނަނީ ކޮންމެ ރެއަކުވެސް މުޒާހަރާކޮށް އިހްތިޖާޖް ކުރަމުންނެވެ.
ރެއާއި އިއްޔެރޭވެސް މުޒާހަރާތަކުން ގިނަ އަދަދެއްގެ ބަޔަކު ހައްޔަރުކޮށްފައިވާއިރު އެމީހުން ވަނީ ފަހުން ދޫކޮށްލާފައެވެ.
މިރޭ ސައީދުއާއިއެކު 17 މީހަކު ހައްޔަރުކޮށްފައިވާއިރު އެމީހުންގެ ތެރޭގައި ޕީޕީއެމް ޕީއެންސީ ކޯލިޝަންގެ ކައުންސިލް މެމްބަރުންނާއި މުޒާހަރާތަކުގައި އިސްކޮށް އުޅޭ އެކްޓިވިސްޓުން ހިމެނޭކަމަށް އިދިކޮޅުން ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
