ރައީސް މުހައްމަދު ނަޝީދު ޖަލުގައި ހުންނެވިއިރު ރައީސް ނަޝީދުގެ ލީގަލް ޓީމުގެ އެންމެ އިސްކޮށް މަސައްކަތް ކުރެއްވި ތަޖުރިބާކާރު އެއް ގާނޫނީ ވަކީލާ މިހެން ވިދާޅުވީ، މިހާރު ކުރިއަށްދާ އެމްޑީޕީ ރިޔާސީ ޕްރައިމަރީގައި ރައީސް އިބްރާހީމް މުހައްމަދު ސޯލިހްގެ ކެމްޕެއިނުގައި މިރޭ ނ. އަތޮޅުގައި ވާހަކަ ދައްކަވަމުންނެވެ.
ރައީސް ނަޝީދުގެ އެންމެ އަރިސް ލީގަލް ޕްރޮފެޝަންގެ ބޭފުޅުންގެ ތެރޭގައި ހިމެނިވަޑައިގަންނަވާ ހިސާން، މި އިންތިހާބުގައި ހުންނެވީ ރައީސް ސޯލިހާއެކުއެވެ.
ހިސާންވަނީ ރައީސް ނަޝީދު ހައްޔަރުކޮށްފައި ހުރިއިރު، އަދި ޖަލު ހުކުމް ތަންފީޒު ކުރަމުން ދިޔައިރު ނަޝީދުގެ ފަރާތްޕުޅުން ކޯޓުތަކުގައި ވަކާލާތު ކުރައްވާފައެވެ. އަދި އެކަމަނާވަނީ ރާއްޖެއާއި ރާއްޖޭން ބޭރުގެ ލީގަލް ޓީމުތަކާއެކު ރައީސް ނަޝީދު މިނިވަން ކުރެއްވުމަށް ގިނަގުނަ މަސައްކަތްތަކެއް ކުރައްވާފައެވެ.
ރައްޔިތުންގެ މަޖިލީހުގެ ބ. ތުޅާދޫ ދާއިރާގެ މެންބަރުކަންވެސް ކުރައްވާ ހިސާންއަކީ ޖޭއެސްސީގެ މިހާރުގެ ރައީސްއެވެ. ހިސާންއާ އެކު ރައީސް މުހައްމަދު ނަޝީދުވެސް ޖޭއެސްސީގައި ހިމެނިވަޑައިގަންނަވައެވެ.
