މުބާރާތުގައި ބައިވެރިވެފައިވާ ޓީމްތަކަކީ ވަށަފަރު ކައުންސިލް، ކެލާ ކައުންސިލް، ފެނަކަ މުރާދޫ ބުރާންޗް، ތުރާކުނު ކައުންސިލް، އިހަވަންދޫ ކައުންސިލް، އުތީމް ކައުންސިލް، ފެނަކަ ދިއްދޫ ބްރާންޗް، އެމްޑަބްލިއުއެސްއީ މާރަންދޫ ސައިޓް، ފިއްލަދޫ ކައުންސިލް އަދި ބާރަށު ކައުންސިލެވެ.
ދެ ގުރޫޕަކަށް ބަހާލައިގެން ކުރިޔަށް ގެންދިއުމަށް ހަމަޖެހިފައިވާ މި މުބާރާތުގެ ގްރޫޕް އޭ ގައި ހިމެނޭ ޓީމްތަކަކީ، ވަށަފަރު ކައުންސިލް، ކެލާ ކައުންސިލް، ތުރާކުނު ކައުންސިލް، ފެނަކަ މުރާދޫ ބްރާންޗް އަދި އިހަވަންދޫ ކައުންސިލެވެ. ގުރޫޕް ބީ ގައި ހިމެނޭ ޓީމުތަކަކީ، އުތީމް ކައުންސިލް، ފެނަކަ ދިއްދޫ ބްރާންޗް، އެމްޑަބްލިއުއެސްއީ މާރަންދޫ ސައިޓް، ފިއްލަދޫ ކައުންސިލް އަދި ބާރަށު ކައުންސިލެވެ.
ގުރޫޕް ސްޓޭޖުން ކޮންމެ ޓީމެއް ކޮންމެ ޓީމަކާކުޅެ ޕޮއިންޓުގެ ގޮތުން އެންމެ މޮޅު ދެޓީމު ސެމީއަށްދާ އުސޫލުން ކުޅޭ މި ފުޓްސަލް މުބާރާތް ފެށުމަށް ހަމަޖެހިފައިވަނީ މި ހިނގާ ޖަނަވަރީ މަހުގެ 20 ވަނަ ދުވަހުއެވެ.
މުބާރާތުގެ ޗެމްޕިއަން ޓީމަށް 15،000ރ، ރަނައަޕް ޓީމަށް 10،000ރ އަދި ފެއާޕްލޭ ޓީމަށް 5000ރ ގެ ފައިސާގެ އިނާމެއް ހުށަހަޅާފައިވާ މިމުބާރާތް ބޭއްވުމަށް ހަމަޖެހިފައިވަނީ އުތީމް ފުޓްސަލް ދަނޑު ގައެވެ.
